سی ٹی ڈی پنجاب کے دائرہ اختیار میں اضافہ کر دیا گیا

وزیراعلیٰ پنجاب کا نیا اقدام

لاہور(ڈیلی پاکستان آن لائن) وزیراعلیٰ پنجاب کے وژن محفوظ پنجاب کے تحت کاؤنٹر ٹیررازم ڈیپارٹمنٹ (سی ٹی ڈی) کے دائرہ اختیار میں اضافہ کر دیا گیا۔

یہ بھی پڑھیں: آپ کیا ان کو جھکا سکتے ہیں؟

دائرہ اختیار میں توسیع

نجی ٹی وی چینل دنیا نیوز کے مطابق صوبائی کابینہ کی منظوری سے سی ٹی ڈی کے دائرہ اختیار میں توسیع کی گئی۔ تحصیل کوہِ سلیمان، ڈیرہ غازی خان کو سی ٹی ڈی کے دائرہ اختیار میں شامل کر لیا گیا جبکہ تحصیل (ڈی ایکسکلوڈڈ ایریا) راجن پور بھی سی ٹی ڈی ڈیرہ غازی خان کے دائرہ اختیار میں شامل ہوگیا۔

یہ بھی پڑھیں: لاہور ہائیکورٹ نے لڑکی سے زیادتی کی ویڈیو بنانے والے سے متعلق فیصلہ سنادیا

نئے دائرہ اختیار کی تفصیلات

سی ٹی ڈی ڈیرہ غازی خان کا دائرہ اختیار اب ڈی جی خان پولیس ریجن کے تمام اضلاع پر محیط ہوگا، ڈی جی خان پولیس ریجن میں ڈیرہ غازی خان، مظفرگڑھ، لیہ اور راجن پور شامل ہیں۔