معرکۂ حق میں مودی سرکار کو وہ سبق سکھایا ہے جو وہ کبھی نہیں بھولے گی، بھارت یہ شکست کبھی فراموش نہیں کر سکے گا، وزیرِ اعظم شہباز شریف

Minister's Strong Statement on India's Defeat

اسلام آباد (ڈیلی پاکستان آن لائن) وزیرِ اعظم شہباز شریف کا کہنا ہے کہ معرکۂ حق میں مودی سرکار کو وہ سبق سکھایا ہے جو وہ کبھی نہیں بھولے گی، قوم کی دعاؤں سے جنگ میں اللّٰہ تعالیٰ نے پاکستان کو فتح دلائی، بھارت یہ شکست کبھی فراموش نہیں کر سکے گا۔

یہ بھی پڑھیں: وانا کیڈٹ کالج میں کتنے دہشتگرد موجود ہیں۔؟ سیکیورٹی فورسز کا کلیئرنس آپریشن جاری

Progress in Education and Technology

ہری پور میں پرائم منسٹر لیپ ٹاپ اسکیم کی تقریب سے خطاب میں انہوں نے کہا کہ آج تک 100 فیصد میرٹ پر 6 لاکھ لیپ ٹاپ تقسیم کیے، خیبر پختون خوا دلیر اور غیور عوام کا صوبہ ہے، دہشت گردوں کے خلاف اس صوبے کے عوام، پولیس اور فوج نبرد آزما ہیں۔آپ کی قربانیوں کی بدولت ملک میں امن قائم ہوا، آپ کی عظیم قربانیوں کو تاریخ قیامت تک سنہرے حروف سے یاد رکھے گی، آج آپ قوم کے عظیم معمار بننے جا رہے ہیں۔

یہ بھی پڑھیں: مشرق وسطیٰ کے بحران پر امریکا کا نیا مؤقف، مسلم قیادت کو 21 نکاتی پلان پیش کر دیا

National Development and Education Initiatives

انہوں نے کہا کہ چاروں صوبے ترقی کریں گے تو پاکستان ترقی کرے گا، بچوں کو تعلیم دینا ہمارا فرضِ اوّل ہے، اے آئی کی جدید تعلیم کے لیے ملک بھر سے طلبہ کو باہر بھیجا جائے گا۔ ملکی معیشت منجھدار سے نکل آئی ہے، ترقی کا سفر جادو ٹونے سے نہیں ہوگا، ملک کی ترقی اتحاد سے ممکن ہے۔