الفُرقان ویلفیئر آرگنائزیشن کا ’’مستقبلِ پاکستان‘‘ انٹر اسکول سپورٹس و فنڈ ریزنگ ایونٹ ، 35 ہزار بچوں کی شرکت

الفُرقان ویلفیئر آرگنائزیشن کا ایونٹ

الفُرقان ویلفیئر آرگنائزیشن کا ’’مستقبلِ پاکستان انٹر اسکول سپورٹس و فنڈ ریزنگ ایونٹ‘‘ ، 35 ہزار بچوں کی شرکت

یہ بھی پڑھیں: ملک بھر میں بجلی کے میٹرز تبدیل کرنے کا فیصلہ

تقریب کی اہم تفصیلات

کراچی( ڈیلی پاکستان آن لائن ) نوجوانوں، تعلیم اور قومی اُمید کے ایک تاریخی جشن کے طور پر الفُرقان ویلفیئر آرگنائزیشن نے نیشنل کوچنگ سینٹر، کراچی میں اپنی پہلے انٹر اسکول سپورٹس مقابلہ ’’مستقبلِ پاکستان‘‘ کامیابی سے منعقد کیا۔ اس تقریب کے ساتھ ہی الفُرقان کے ہائر ایجوکیشن مستقبل فنڈ کا باضابطہ آغاز بھی کیا گیا۔یہ ایک بصیرت افروز اقدام ہے جس کا مقصد میٹرک کے بعد طلباء و طالبات اور سابق طلباء کو اعلیٰ تعلیم، پیشہ ورانہ کورسز اور ڈپلومہ جات کے حصول میں معاونت فراہم کرنا ہے۔

یہ بھی پڑھیں: سی پیک منصوبوں میں ہائپر سپیکٹرل سیٹلائٹ معاون ہو گا: وزیرِ اعلیٰ

شرکاء کی بڑی تعداد

تقریب میں تقریباً 4,000 شرکاء نے شرکت کی، جن میں الفرقان اسکولز کی تمام 17 شاخوں کے طلباء و اساتذہ، اسپانسرز، ڈونرز اور حامی شامل تھے۔یہ اتحاد اور اجتماعی مقصدیت کا شاندار مظاہرہ تھا۔ مزید برآں4 بیچز کے 173 سابق طلباء نے بھرپور شرکت کی، جو ماضی کی کامیابیوں اور مستقبل کی امنگوں کے درمیان مضبوط پل کی علامت بنی۔ مستقبل فنڈ موجودہ سابق طلباء اور آئندہ میٹرک کرنے والی بیچز،دونوں کے لیے تعلیمی معاونت کو یقینی بنائے گا تاکہ یہ سلسلہ طویل المدت بنیادوں پر جاری رہے۔

یہ بھی پڑھیں: بھارتی فوج کا کسانوں کو 48 گھنٹے میں سرحدوں پر موجود کھیت خالی کرنے کا حکم

پرجوش آغاز اور پرفارمنسز

دن کا آغاز ایک پرجوش مارچ سے ہوا، جس کے بعد رنگا رنگ پرفارمنسز نے اعتماد، نظم و ضبط اور نوجوانی کی اُمید کو اجاگر کیا۔ مستقبل فنڈ کا باضابطہ اجرا ء تقریب کا جذباتی مرکز رہا، جسے طلباء کے ایک پراثر حلف نے مزید بامعنی بنا دیاجس میں انہوں نے تعلیم کے لیے انتھک جدوجہد اور پاکستان کے لیے مثبت کردار ادا کرنے کا عزم کیا۔

یہ بھی پڑھیں: بھارت کے ایک دن میں ایف بی آر پر 1684 سائبر حملے ناکام کر دیئے گئے

کھیلوں کے مقابلے

کھیلوں کے مقابلوں میں تمام عمر کے طلباء نے مختلف ریسز اور سپورٹس میں حصہ لے کر عزم، ٹیم ورک اور کھیلوں کے اعلیٰ اخلاق کا مظاہرہ کیا۔

یہ بھی پڑھیں: ایسے شواہد نہیں ملے جن سے لگے کہ حمیرا اصغر کو قتل کیا گیا ہو: ڈی آئی جی ساوتھ

معزز مہمانوں کی موجودگی

تقریب کے معزز مہمانوں میں منور علی مہسر، سیکریٹری سپورٹس اینڈ یوتھ افیئرز سندھ شامل تھے، جنہوں نے الفُرقان کے مشن کی حمایت میں3 لاکھ روپے دینے کا اعلان کیا۔ دیگر نمایاں شخصیات میں سابق ہاکی لیجنڈ سمیع اللہ خان، معروف کرکٹرز اظہر علی اور فواد عالم، بریگیڈیئر طارق قادر لکھیار، ندیم عمر (مالک، کوئٹہ گلیڈی ایٹرز) اور شرجیل کھرال شامل تھے،جن کی موجودگی نے طلباء کو بے حد متاثر کیا۔

یہ بھی پڑھیں: بھارت میں آسٹریلین خواتین کرکٹرز کے ساتھ موٹر سائیکل سوار کی نازیبا حرکت، ملزم گرفتار

الفُرقان کے صدر کا پیغام

تقریب سے خطاب کرتے ہوئے روبینہ فریال آصف، صدر الفُرقان ویلفیئر آرگنائزیشن نے کہا "آج ’’مستقبلِ پاکستان‘‘ کے ساتھ سپورٹس ڈے کے انعقاد کا ہمارا خواب پورا ہوا ہے۔ آج مستقبل فنڈ کی صورت میں بویا گیا بیج ہمارے طلباء اور سابق طلباء کے روشن مستقبل میں تبدیل ہوگا۔ اس وژن کو حقیقت بنانے میں تعاون کرنے والے تمام حامیوں کی میں دل سے شکر گزار ہوں۔"

یہ بھی پڑھیں: پنجاب حکومت نے سموگ سے بچاؤ اور شہریوں کو محفوظ رکھنے کیلیے پلان اے، بی، سی تیار کر لیا

مستقبل فنڈ کے حصول

’’مستقبلِ پاکستان‘‘ کی کامیابی میں اسپانسرز اور شراکت داروں کا کلیدی کردار رہا۔تقریب کے اختتام پر الفُرقان ویلفیئر آرگنائزیشن نے مستقبل فنڈ کے لیے 8 ملین روپے بطور ابتدائی بنیاد جمع کیے،اس یقین کے ساتھ کہ پاکستان کا مستقبل نوجوانوں کو تعلیم، اعتماد اور مواقع فراہم کرنے میں مضمر ہے۔

نئی معیاری قیادت

’’مستقبلِ پاکستان‘‘ کے ذریعے الفُرقان ویلفیئر آرگنائزیشن نے کھیل، تعلیم اور سماجی اثر کو یکجا کر کے ایک نیا معیار قائم کیا۔آج بیج بو کر کل کے روشن اور مضبوط پاکستان کی بنیاد رکھ دی۔