پاکستانی کبڈی کھلاڑی بھارتی ٹیم کا جھنڈا اٹھاکر میدان میں اترگیا، فیڈریشن کا سخت ایکشن کا اعلان

پاکستانی کھلاڑی کا بھارتی ٹیم کے ساتھ کھیلنا

لاہور(ڈیلی پاکستان آن لائن) پاکستانی کبڈی کھلاڑی عبیداللہ کے بھارتی ٹیم کی جانب سے کھیلنے، شرٹ پہننے اور بھارتی جھنڈا لہرانے کے معاملے پر پاکستان کبڈی فیڈریشن کی جنرل کونسل نے ہنگامی اجلاس طلب کرلیا۔

یہ بھی پڑھیں: بیلا روس کے صدر کی آرمی چیف سے ملاقات، باہمی دلچسپی کے امور، دفاعی تعاون کے امکانات اور علاقائی سلامتی پر تبادلہ خیال

اجلاس کی تفصیلات

فیڈریشن سیکرٹری رانا سرور نے کہا کہ چیئرمین چوہدری شافع حسین نے 27 دسمبر کو اجلاس طلب کیا ہے۔ بحرین میں ہونے والے ٹورنامنٹ میں پاکستان کے 16 کھلاڑیوں نے شرکت کی، پاکستان کی یہ قومی ٹیم نہیں تھی اور نہ ہی اس کی اجازت طلب کی گئی، نہ ان کھلاڑیوں کو این او سی جاری کیا گیا۔

یہ بھی پڑھیں: جمشید دستی کا نااہلی کے بعد ردعمل آ گیا

غیر قانونی ٹیم کا معاملہ

سیکرٹری فیڈریشن نے کہا کہ یہ ایک خود ساختہ ٹیم تھی جس میں پاکستان کا نام استعمال کیا گیا۔ ایونٹ میں شرکت کے لیے نہ حکومت سے اجازت لی گئی اور نہ ہی فیڈریشن کو بتایا گیا۔

یہ بھی پڑھیں: بنگلہ دیش کے سینکڑوں طلباء کے لیے خوشخبری، پاکستان نے تعلیم کے دروازے بھی کھول دیے

سخت کاروائی کا اعلان

رانا سرور کا کہنا تھا کہ قومی کھلاڑی کا بھارتی ٹیم کی جانب سے کھیلنا اور جھنڈا لہرانا ناقابل برداشت ہے، معاملے کی تحقیقات کی جائیں گی اور سخت ترین ایکشن لیا جائے گا۔ خود ساختہ پروموٹرز کے خلاف بھی ایکشن لیں گے اور کسی کو غیر قانونی ایونٹ کی اجازت نہیں دیں گے۔

پاکستان کا نام بدنام کرنے کی اجازت نہیں

انہوں نے مزید کہا کہ کسی صورت میں پاکستان کا نام بدنام کرنے کی اجازت نہیں دی جائے گی۔ کلبوں میں کئی ممالک کے کھلاڑی ایک ساتھ کھیلتے ہیں، غیر ملکی ٹیم کی جانب سے کھیلنا اور جھنڈا لہرانا افسوسناک ہے۔