ٹرمپ انتظامیہ نے غیر ملکی نژاد امریکیوں کی شہریت منسوخ کرنے کی تیاریاں تیز کر دیں

امریکہ میں غیر ملکی نژاد امریکیوں کی شہریت منسوخی کی تیاریاں

واشنگٹن (مانیٹرنگ ڈیسک) امریکہ میں غیر ملکی نژاد امریکیوں کی شہریت منسوخ کرنے کی تیاریاں تیز کر دی گئی ہیں۔

یہ بھی پڑھیں: جہیز سے متعلق سپریم کورٹ کا اہم فیصلہ جاری

نئی ہدایات کا اجرا

امریکی اخبار کی رپورٹ کے مطابق، ٹرمپ انتظامیہ نے یو ایس سیٹزن اینڈ امیگریشن سروسز کو ہدایات نامہ جاری کر دیا ہے۔ وزارت انصاف کو ہر ماہ شہریت منسوخی کے 100 سے 200 کیسز دینے کی ہدایت کی گئی ہے۔ 2017 سے اب تک شہریت منسوخی کے 120 کیسز موصول ہو چکے ہیں، جبکہ امریکہ میں شہریت لینے والوں کی تعداد 2 کروڑ 60 لاکھ افراد تک پہنچ چکی ہے۔

یہ بھی پڑھیں: سونا پھر مہنگا ہو گیا

شہریت حاصل کرنے والے افراد کی تعداد

’’جیو نیوز‘‘ کے مطابق، امریکی اخبار کی رپورٹ میں بتایا گیا ہے کہ محکمہ شماریات کے مطابق گزشتہ سال 8 لاکھ غیر ملکیوں نے امریکی شہریت حاصل کی۔ شہریت لینے والوں کا تعلق میکسیکو، بھارت، فلپائن، ڈومینیکن ریپبلک اور ویتنام سے تھا۔ سال 2018 میں وزارت انصاف کو شہریت منسوخی کے 90 کیسز موصول ہوئے، جبکہ سال 2024 میں 13 کیسز رجسٹرڈ کیے گئے اور 8 میں شہریت منسوخ کر دی گئی تھی۔

ماضی کی مثالیں

امریکی میڈیا کا کہنا ہے کہ صدر ڈونلڈ ٹرمپ کے پہلے دور میں بھی شہریت منسوخی نے زور پکڑ لیا تھا۔