کراچی میں بونداباندی، لاہور سمیت مختلف شہروں میں بارش کی پیشگوئی

محکمہ موسمیات کی پیشگوئی

لاہور (ڈیلی پاکستان آن لائن) محکمہ موسمیات نے کراچی میں بونداباندی اور لاہور سمیت مختلف شہروں میں بارش کی پیشگوئی کردی۔

یہ بھی پڑھیں: میئر کراچی مرتضیٰ وہاب نے عدالتوں سے معاملات میں دخل نہ دینے کی درخواست کر دی

لاہور میں بارش کی توقع

نجی ٹی وی چینل دنیا نیوز کے مطابق محکمہ موسمیات نے لاہور میں 21 اور 22 دسمبر کو ہلکی بارش کی پیشگوئی کی ہے جس سے شہر میں سردی کی نئی لہر متوقع ہے۔

یہ بھی پڑھیں: کور کمانڈر گوجرانوالہ لیفٹیننٹ جنرل سید امداد حسین گردیزی کو دشمن کو ناکام بنانے پر مبارکباد

کراچی میں موسم کی صورتحال

محکمہ موسمیات کے مطابق کراچی میں آئندہ ایک سے دو روز تک سردی کی شدت کم رہے گی۔ اس دوران موسم جزوی سے مکمل ابرآلود رہنے کے ساتھ بونداباندی متوقع ہے، شہر میں موجودہ موسم سرد اور خشک ہے۔

یہ بھی پڑھیں: عمران خان کے بیٹے امریکہ گئے نہیں بلکہ فیلڈ مارشل کے لنچ کے بعد بلائے گئے ہیں : حیدر نقوی

مغربی ہواؤں کا سلسلہ

محکمہ موسمیات نے بتایا کہ آج مغربی ہواؤں کا سلسلہ بلوچستان میں داخل ہو گا، جس کی وجہ سے کوئٹہ سمیت دیگر شہروں میں سرد ہوائیں چلنے کے نتیجے میں کراچی میں سردی کی شدت میں اضافے کا امکان ہے۔

پی ڈی ایم اے کی اطلاعات

پی ڈی ایم اے کے مطابق 19 سے 20 دسمبر کے درمیان مغربی ہواؤں کا سلسلہ بلوچستان میں داخل ہو گا، جس کے باعث کئی اضلاع میں بارش اور پہاڑی علاقوں میں برفباری کا امکان ہے۔ برفباری سے پہاڑی علاقوں میں ٹریفک متاثر ہونے کا خدشہ ہے۔