دیگر قیدیوں کے ساتھ ناانصافی ہو رہی ہے، بانی پی ٹی آئی کو کہیں اور شفٹ کریں: فیصل کریم کنڈی

گورنر خیبر پختونخوا کی گفتگو

لاہور (ڈیلی پاکستان آن لائن) گورنر خیبر پختونخوا فیصل کریم کنڈی نے کہا ہے کہ اسلام آباد یا پشاور بند کرنے سے بانی پی ٹی آئی کی سزا ختم نہیں ہوگی۔ اڈیالہ جیل کے قیدی اپنی سزا بھگت کر ہی رِہا ہوں گے۔ دیگر قیدیوں کے ساتھ ناانصافی ہو رہی ہے، بانی پی ٹی آئی کو کہیں اور شفٹ کردیں۔

یہ بھی پڑھیں: بھارت کی طرف سے پاکستان کا پانی روکنا سنگین نتائج پیدا کر سکتا ہے: صدرِ مملکت

سیاسی انتقام اور قید کا انصاف

لاہور میں میڈیا سے گفتگو کرتے ہوئے فیصل کریم کنڈی نے کہا کہ بانی پی ٹی آئی اس وقت اڈیالہ جیل میں وی وی آئی پی قیدی ہیں۔ وہ نہیں چاہتے کہ بانی پی ٹی آئی کے ساتھ وہی سلوک کیا جائے جو ان کی خواہش تھی۔ بانی پی ٹی آئی کی وجہ سے اڈیالہ کے دیگر قیدیوں کے ساتھ ناانصافی ہو رہی ہے، وزیراعلیٰ پنجاب سے درخواست کی ہے کہ بانی پی ٹی آئی کو اڈیالہ سے کہیں اور شفٹ کردیں۔

سیاسی مذاکرات کی اہمیت

’’جنگ‘‘ کے مطابق گورنر خیبر پختونخوا کا مزید کہنا تھا کہ ہم چاہتے ہیں کہ کسی کو بھی سیاسی انتقام کا نشانہ نہیں بنانا چاہیے۔ پی ٹی آئی کے ساتھ مذاکرات کی بات اچھی ہے۔ آج پی ٹی آئی امپورٹڈ اپوزیشن لانا چاہتی ہے، پی ٹی آئی والے بتائیں مولانا فضل الرحمان اور محمود خان اچکزئی کے بارے میں وہ کیا کہتے تھے۔ خیبر پختونخوا میں گورننس کے مسائل موجود ہیں، وزیراعلیٰ کو اڈیالہ کے باہر بیٹھنے کے بجائے اپنے صوبے میں بیٹھنا چاہیے۔