کراچی ایک چھوٹا پاکستان ہے جو بڑے پاکستان کو پالتا ہے، خالد مقبول صدیقی

کراچی ورلڈ بک فیئر کی شروعات

کراچی(ڈیلی پاکستان آن لائن) وفاقی وزیر تعلیم و تربیت خالد مقبول صدیقی نے کہا ہے کہ کتب ہماری میراث ہے۔ کراچی ایک چھوٹا پاکستان ہے جو بڑے پاکستان کو پالتا ہے۔ یہ بات انہوں نے گزشتہ روز کراچی ایکسپو سینٹر میں جاری پانچ روزہ کراچی ورلڈ بک فیئر میں کہی ہے۔ وفاقی وزیر خالد مقبول صدیقی نے اپوزیشن لیڈر علی خورشیدی کے ہمراہ کراچی ورلڈ بک فیئر کا دورہ کیا۔

یہ بھی پڑھیں: اہلیہ کے تھپڑ مارنے کی ویڈیو پر فرانسیسی صدر کا بیان سامنے آگیا

کتب کا فروغ اور اس کی اہمیت

انہوں نے میڈیا سے گفتگو کرتے ہوئے کہا کہ 20 سال سے دنیا کو بک فیئر کے ذریعے یہ رونق دکھائی جارہی ہے۔ کراچی ایک چھوٹا پاکستان ہے، اور اگر کراچی چلتا ہے تو پاکستان پلتا ہے۔ پاکستان ہمارا ہے، اسے بچانا ہماری ذمہ داری ہے۔ 17 سال سے قومی اتفاق رائے سے کراچی کے ساتھ جو سلوک کیا جارہا ہے، وہ آج شکست کھا گئے ہیں۔ کراچی ورلڈ بک فیئر میں آکر ایمان اور یقین تازہ ہوجاتا ہے۔

یہ بھی پڑھیں: پہلگام فالس فلیگ حملے کے بعد مودی سرکار نے مقبوضہ کشمیر میں مسلمانوں پر مظالم بڑھا دیئے، نیو یارک ٹائمز نے پردہ فاش کردیا

جماعت اسلامی کا موقف

جماعت اسلامی کراچی کے امیر منعم ظفر نے میڈیا سے گفتگو کے دوران کہا کہ اس کتب میلہ نے ثابت کردیا ہے کہ یہ شہر علم و کتب سے محبت کرنے والوں کا شہر ہے۔ کتاب سے دوستی کا کوئی نعم البدل نہیں ہے۔

یہ بھی پڑھیں: پی ٹی آئی کا صوابی موٹر وے بند کرنے کا اعلان

کتب کی اہمیت اور ٹیکنالوجی

انہوں نے مزید کہا کہ ٹیکنالوجی کا استعمال ضروری ہے، تاہم اس کے باوجود کتب کی اہمیت کو نظر انداز نہیں کرسکتے۔ کتابیں فرد کی زندگی کی رہنمائی کرتی ہیں۔ اپوزیشن لیڈر علی خورشیدی کا کہنا تھا کہ جو لوگ یہ سمجھتے ہیں کہ آج کے دور میں کتب کی اہمیت ختم ہوگئی ہے، وہ کراچی ورلڈ بک فیئر آکر دیکھیں کہ آگاہی اور علم کے پیاسے آج بھی سیراب ہورہے ہیں۔

کتب سے محبت کا ثبوت

ان کا کہنا تھا کہ کراچی ورلڈ بک فیئر نے کتابوں سے محبت کا ثبوت دیا ہے، اور آج بھی یہ شہر کتابوں سے محبت کرتا ہے۔