نیتن یاہو کا ایران پر ممکنہ نئے حملوں پر ٹرمپ کو بریفنگ دینے کا منصوبہ: رپورٹ

نیتن یاہو کی ٹرمپ سے بریفنگ

واشنگٹن (ڈیلی پاکستان آن لائن) اسرائیل کے وزیراعظم بن یامین نیتن یاہو امریکی صدر ڈونلڈ ٹرمپ کو ایران کے خلاف ممکنہ نئے حملوں کے حوالے سے بریفنگ دینے کا ارادہ رکھتے ہیں۔

یہ بھی پڑھیں: تجارتی معاہدہ کر لیں اس سے پہلے کہ بہت دیر ہو جائے، ٹرمپ کی کیوبا کو وارننگ

ایران کے بیلسٹک میزائل پروگرام کا خطرہ

امریکی میڈیا ادارے این بی سی نیوز کے مطابق نیتن یاہو ٹرمپ کو آگاہ کریں گے کہ اگر ایران اپنے بیلسٹک میزائل پروگرام میں مزید توسیع کرتا ہے تو یہ ایک سنگین خطرہ ہوگا، جس کے جواب میں فوری کارروائی ناگزیر ہو سکتی ہے۔

یہ بھی پڑھیں: ایران نے آبنائے ہرمز میں چین کے دو مال بردار بحری جہازوں کو روک کر واپس بھیج دیا، وال سٹریٹ جرنل کی رپورٹ میں دعویٰ

ایران کے جوہری مراکز کی بحالی کی کوششیں

رپورٹ میں بتایا گیا ہے کہ اسرائیلی حکام کو خدشہ ہے کہ ایران جون میں امریکی بمباری کا نشانہ بننے والے اپنے جوہری افزودگی کے مراکز دوبارہ فعال کرنے کی کوشش کر رہا ہے۔ اسی تناظر میں اسرائیل، امریکی صدر کو دوبارہ ایران کے میزائل پروگرام پر حملے کے مختلف آپشنز سے آگاہ کرنے کی تیاری کر رہا ہے۔

علاقے کے لیے خطرہ

این بی سی نیوز کے مطابق اسرائیلی قیادت کا ماننا ہے کہ ایران کی عسکری صلاحیتوں میں کسی بھی قسم کی بحالی خطے کے لیے براہِ راست خطرہ بن سکتی ہے، جسے نظرانداز کرنا ممکن نہیں۔