وزیر اطلاعات کا سرکاری ٹی وی میں مالی کو پروڈیوسر لگائے جانے کا انکشاف
اسلام آباد میں وزیر اطلاعات کا انکشاف
اسلام آباد (ڈیلی پاکستان آن لائن) وزیر اطلاعات نے سرکاری ٹی وی میں ایک مالی کو پروڈیوسر لگائے جانے کا انکشاف کیا ہے۔
یہ بھی پڑھیں: سعودی عرب میں ذی الحج کا چاند دیکھنے کے لیے اجلاس آج ہوگا
قومی اسمبلی کی قائمہ کمیٹی کا اجلاس
نجی ٹی وی چینل ہم نیوز کے مطابق قومی اسمبلی کی قائمہ کمیٹی برائے انفارمیشن اینڈ براڈ کاسٹ کا اجلاس چیئرمین کمیٹی پولین بلوچ کی زیر صدارت ہوا، کمیٹی میں پاکستان ٹیلی ویژن کے ملازمین کی تنخواہوں کا معاملہ زیرِ بحث رہا۔
یہ بھی پڑھیں: بھارتی خفیہ ایجنسی کے ٹویٹر اکاونٹس نے لورالائی واقعہ سے قبل ہی دہشتگردی کی خبری دی تھی : وسیم عباسی کا انکشاف
وزیر اطلاعات کا مافیا کے خلاف بیان
وزیر اطلاعات عطاء تارڑ نے کہا کہ بہت لوگ سرکاری ٹی وی میں بیٹھے تھے، گمنام اکاؤنٹ سے میرے خلاف ٹویٹ کروائے جاتے ہیں، میں سرکاری ٹی وی میں بیٹھے مافیا سے بہت لڑا ہوں، جب تک اللہ کی مرضی ہے مافیا کے خلاف لڑتے رہیں گے۔
یہ بھی پڑھیں: چیمپئنز ٹرافی 2025 ہائی برڈ ماڈل کے تحت ہوگی، بھارتی میڈیا کا دعویٰ
سرکاری ٹی وی کی بھرتیوں کا معاملہ
انہوں نے کہا کہ کسی نے اپنی بیگم اور رشتہ داروں کو سرکاری ٹی وی بھرتی کیا ہوا ہے، مافیا پر ہاتھ ڈالتے ہیں تو کالیں آنا شروع ہو جاتی ہیں۔
یہ بھی پڑھیں: حارث رؤف کی شاندار کارکردگی نے آسٹریلیا کو حیران کر دیا
پرچی پر اینکر بھرتی کرنے کا الزام
ان کا مزید کہنا تھا کہ میرے آنے سے پہلے پرچی پر ٹی وی اینکر بیٹھے تھے، ایسے اینکر لگے تھے جن کو گھر بھی کوئی نہیں پہچانتا تھا، ہم نے میرٹ پر لوگوں کو لگایا۔ ماضی میں جس کو منسٹر چاہتا تھا وہ اینکر لگ جاتا تھا۔
یہ بھی پڑھیں: آپ نے شیر کے منہ میں ہاتھ ڈالا ہے: اداکار منیب بٹ کا بھارت کو انتباہ
سرکاری ٹی وی کی بہتری کے اقدامات
وزیر اطلاعات نے کہا کہ جب تک ہم گولڈن شیک ہینڈ نہیں لے کر آتے تب تک چینل نہیں چل سکتا، سرکاری ٹی وی میں سیاسی بھرتیاں ہیں، ایک ایک پوسٹ پر پچیس لوگ بھرتی ہوئے ہیں، اب ہم نے پاکستان ٹیلی ویژن میں بہتری لائی ہے، انگلش چینل پر ہم اچھے اینکر لے کر آ رہے ہیں۔
نیا انگلش چینل اور فنانشل ماڈل
انہوں نے کہا کہ جنگ کے بعد ہمیں احساس ہوا کہ ہمارے پاس کوئی اچھا چینل ہونا چاہیے، ہم نے الگ فنانشل ماڈل کے تحت انگلش چینل کو شروع کیا ہے۔
