وزیر اطلاعات کا سرکاری ٹی وی میں مالی کو پروڈیوسر لگائے جانے کا انکشاف

اسلام آباد میں وزیر اطلاعات کا انکشاف

اسلام آباد (ڈیلی پاکستان آن لائن) وزیر اطلاعات نے سرکاری ٹی وی میں ایک مالی کو پروڈیوسر لگائے جانے کا انکشاف کیا ہے۔

یہ بھی پڑھیں: پیٹرول کی مد میں موٹر سائیکل والوں کو 22 سو روپے دینے کا اعلان کرتے ہیں، وزیر اعلیٰ خیبر پختونخوا سہیل آفریدی

قومی اسمبلی کی قائمہ کمیٹی کا اجلاس

نجی ٹی وی چینل ہم نیوز کے مطابق قومی اسمبلی کی قائمہ کمیٹی برائے انفارمیشن اینڈ براڈ کاسٹ کا اجلاس چیئرمین کمیٹی پولین بلوچ کی زیر صدارت ہوا، کمیٹی میں پاکستان ٹیلی ویژن کے ملازمین کی تنخواہوں کا معاملہ زیرِ بحث رہا۔

یہ بھی پڑھیں: پی آئی اے نے لاہور سے باکو کے لیے براہِ راست پروازیں شروع کرنے کا اعلان کردیا

وزیر اطلاعات کا مافیا کے خلاف بیان

وزیر اطلاعات عطاء تارڑ نے کہا کہ بہت لوگ سرکاری ٹی وی میں بیٹھے تھے، گمنام اکاؤنٹ سے میرے خلاف ٹویٹ کروائے جاتے ہیں، میں سرکاری ٹی وی میں بیٹھے مافیا سے بہت لڑا ہوں، جب تک اللہ کی مرضی ہے مافیا کے خلاف لڑتے رہیں گے۔

یہ بھی پڑھیں: نوید قمر پارلیمنٹرینز فار گلوبل ایکشن کے بلا مقابلہ صدر منتخب ہوگئے

سرکاری ٹی وی کی بھرتیوں کا معاملہ

انہوں نے کہا کہ کسی نے اپنی بیگم اور رشتہ داروں کو سرکاری ٹی وی بھرتی کیا ہوا ہے، مافیا پر ہاتھ ڈالتے ہیں تو کالیں آنا شروع ہو جاتی ہیں۔

یہ بھی پڑھیں: پاکستان میں چاند گرہن 7 ستمبر کو رات ساڑھے 8 بجے شروع ہوگا، سپارکو

پرچی پر اینکر بھرتی کرنے کا الزام

ان کا مزید کہنا تھا کہ میرے آنے سے پہلے پرچی پر ٹی وی اینکر بیٹھے تھے، ایسے اینکر لگے تھے جن کو گھر بھی کوئی نہیں پہچانتا تھا، ہم نے میرٹ پر لوگوں کو لگایا۔ ماضی میں جس کو منسٹر چاہتا تھا وہ اینکر لگ جاتا تھا۔

یہ بھی پڑھیں: وزیراعظم سے ایئرچیف مارشل کی ملاقات، پاک فضائیہ کے کردار کو خراجِ تحسین

سرکاری ٹی وی کی بہتری کے اقدامات

وزیر اطلاعات نے کہا کہ جب تک ہم گولڈن شیک ہینڈ نہیں لے کر آتے تب تک چینل نہیں چل سکتا، سرکاری ٹی وی میں سیاسی بھرتیاں ہیں، ایک ایک پوسٹ پر پچیس لوگ بھرتی ہوئے ہیں، اب ہم نے پاکستان ٹیلی ویژن میں بہتری لائی ہے، انگلش چینل پر ہم اچھے اینکر لے کر آ رہے ہیں۔

نیا انگلش چینل اور فنانشل ماڈل

انہوں نے کہا کہ جنگ کے بعد ہمیں احساس ہوا کہ ہمارے پاس کوئی اچھا چینل ہونا چاہیے، ہم نے الگ فنانشل ماڈل کے تحت انگلش چینل کو شروع کیا ہے۔