صوبہ محاذ آرائی کا متحمل نہیں ہوسکتا، گالم گلوچ سے حقوق حاصل نہیں کیے جاسکتے: فیصل کریم کنڈی

گورنر خیبر پختونخوا کی گفتگو

پشاور (ڈیلی پاکستان آن لائن) گورنر خیبر پختونخوا فیصل کریم کنڈی نے کہا ہے کہ صوبہ محاذ آرائی کا متحمل نہیں ہوسکتا۔ گالم گلوچ سے صوبے کے حقوق حاصل نہیں کیے جاسکتے۔ جیلوں میں قید افراد باہر آکر احتجاج کریں تو قانون اپنا راستہ لے گا۔

یہ بھی پڑھیں: ایران کی آئی اے ای اے کے نمائندے کو ملک سے نکالنے کی دھمکی

احتجاج کے بجائے قانونی طریقہ کار

پشاور میں میڈیا سے گفتگو کرتے ہوئے گورنر کے پی نے کہا کہ احتجاج کے بجائے عدالتوں سے رجوع کیا جائے، سب کو قانونی حق حاصل ہے۔ صوبہ محاذ آرائی کا متحمل نہیں ہوسکتا۔ گالم گلوچ سے صوبے کے حقوق حاصل نہیں کیے جاسکتے۔ احتجاج محض کارکنوں کو متحرک رکھنے کی کوشش ہے۔ وفاقی حکومت نے مذاکرات کی بات کرکے سیاسی بالغ نظری کا مظاہرہ کیا۔ ماضی میں مذاکرات کی پیشکش کے باوجود 9 مئی جیسے واقعات ہوئے۔

بہتر حکمت عملی کی ضرورت

فیصل کریم کا مزید کہنا تھا کہ سندھ اور کراچی میں بھی بھتہ خوروں کے خلاف کارروائیاں جاری رہیں گی۔ بھارت کو چند دن میں جواب دیا جاسکتا ہے تو دہشتگردوں سے نمٹنا مشکل نہیں ہے۔