ڈویثرن کا دورہ مکمل کر لیا، سیاسی مداخلت ڈسپلن میں آڑے نہیں آنی چاہیے، کسی سے کوئی زیادتی نہیں ہو گی اور نہ ہی قانون سے ماورا کوئی قدم اٹھایا جائے گا۔

مصنف کا تعارف

مصنف: شہزاد احمد حمید
قسط: 387

یہ بھی پڑھیں: یہ امر المیہ سے کم نہیں کہ 1970ء کے الیکشن میں شکست کے بعد پاکستان کونسل مسلم لیگ کے سرکردہ رہنماؤں نے مرد میدان ہونے کا ثبوت نہیں دیا

کمشنر کی ملاقات

محمد خاں کھچی؛ میں نے کمشنر کو آگاہ کیا؛ ”سر! میں نے پورے ڈویثرن کا دورہ مکمل کر لیا ہے۔ تمام فیلڈ فورمیشن کو ہدایات جاری کر دیں ہیں تاکہ عوام کو ڈائریکٹر دفتر کی افادیت سے آگاہی ہو اور انہیں خدمات کی فراہمی احسن انداز میں بغیر کسی تکلیف مہیا کی جا سکے۔ انشاء اللہ آپ کو 2 ماہ میں visible improvement دکھائی دے گی۔ سر! میں بھی آپ سے توقع کروں گا کہ سیاسی مداخلت ڈسپلن میں آڑے نہیں آنی چاہیے۔ اس بات کی آپ کو یقین دھانی کراتا ہوں کہ کسی سے کوئی زیادتی نہیں ہو گی اور نہ ہی قانون سے ماورا کوئی قدم اٹھایا جائے گا۔

یہ بھی پڑھیں: کراچی، 13 سالہ لڑکا اغواء، پولیس نے مقدمہ درج کر کے لڑکے کی تلاش شروع کر دی

ٹی ایم ایز کی کارکردگی

سر! جہاں تک ٹی ایم ایز (ٹحصیل میونسپل ایڈمینسٹریشن) کی کارکردگی کا تعلق ہے اس حوالے سے ان کی آمدنی میں اضافے اور عوامی شکایات کے ممکن حد تک ازالہ کے لئے میں چند روز میں آپ کو تفصیلی بریفنگ دوں گا اور یقین دلاتا ہوں کہ ان کی کاکردگی میں بھی واضح تبدیلی نظر آئے گی۔“ کمشنر تگڑے زمیندار اور اچھے خاندانی پس منظر رکھنے والے شاندار انسان تھے۔ میری باتیں غور سے سنیں اور بولے؛ ”ڈائریکٹر صاحب! مجھے آپ کی باتیں سن کر خوشی ہوئی۔ میں آپ سے ایسی ہی کارکردگی کی امید رکھتا ہوں۔ میرا مکمل تعاون اور اعتماد آپ کو حاصل ہو گا۔ امید ہے آپ اس اعتماد پر پورا اتریں گے۔“ یہ تھی میری کمشنر بہاول پور محمد خاں کھچی سے ملاقات کی تفصیل۔ (وہ وفاقی سیکرٹری بھی رہے اور اب ریٹائر ہو چکے ہیں۔ میرا تعلق ان سے آج بھی ہے)

یہ بھی پڑھیں: اگر اپنا ضمیر بیچنا ہوتا تو میں بھی 26ویں ترمیم کے وقت 2ارب 20 کروڑ لے کر بیچ دیتا، مگر میں نے عمران خان کے نظریے پر سمجھوتہ نہیں کیا، شیر افضل مروت

ڈسٹرکٹ کوآرڈینیشن افسر سے ملاقات

اسی گپ شپ کے دوران ڈاکٹر نعیم رؤف ڈسٹرکٹ کوآرڈینیشن افسر (ڈی سی او) بہاول پور بھی آ گئے۔ ان سے بھی تعارف ہوا۔ اعلیٰ ظرف اور خوش پوش شخصیت۔ بعد میں ان سے بھی اچھی یاد اللہ ہو گئی تھی۔

یہ بھی پڑھیں: واقعہ کربلا کی روشنی میں پاکستان خود دار فلاحی ریاست بن سکتا ہے: وزیراعظم

کمپلسری ایکشن

ایم پی اے کا خاص بندہ ہے؛ ایک ماہ گزرا تو میں خورشید صاحب کو لے کر شہر بہاول پور میں نکلا۔ صبح کے نو بجے تھے سمجھ نہیں آ رہا تھا کس کونسل میں جاؤں۔ نواز ڈرائیور کہنے لگا؛ ”سر! سامنے گلی میں یونین کونسل نمبر 8 کا دفتر ہے۔“ خورشید صاحب بولے؛ ”نواز! بڑا یاد کرایا ہے۔ یہ ویسے بھی بڑا نامی سیکرٹری ہے۔ وہیں چلتے ہیں۔“ غالباً یہ سٹیلائیٹ ٹاؤن تھا۔ وہاں پہنچے تو سیکرٹری مرید حسین اپنے کام میں مصروف تھا۔ ریکارڈ چیک کیا تو کیش بک کے لئے موصوف سرکاری کیش بک کی بجائے کاروبار میں استعمال ہونے والا”بہی کھاتا“ استعمال کر رہے تھے۔ پوچھنے پر بڑی معصومیت سے کہا؛ ”میں تو یہی استعمال کرتا آیا ہوں۔ سرکاری کیش بک تو میں نے کبھی استعمال ہی نہیں کی۔“

یہ بھی پڑھیں: افسوس ہوتا ہے کہ ہم سرکار کا پیسہ بے دردی سے خرچتے ہیں اور اس سے بھی زیادہ بے دردی سے ضائع کرتے ہیں، بھائی یہاں کون کسی کو پوچھتا ہے؟

معطلی کا حکم

خورشید صاحب بولے؛ ”صاحب کی ہدایت کے باوجود بھی تم نے ایک ماہ میں کیوں تبدیل نہیں کی۔“ بولا؛ ”اب کر لیتا ہوں۔“ اسے معطل کرنے کا حکم جاری کیا۔ یہ بہاول پور آمد کے بعد پہلا سخت حکم تھا۔ موصوف نے بڑی منت سماجت کی۔ خورشید صاحب کو ایک طرف لے گیا کانا پھوسی بھی کی۔ ان کے جواب بڑا سخت اور نفی میں تھا۔ ابراہیم گھمن ڈی او سی او کو متعلقہ سیکرٹری کو معطل کرنے کو کہا تو جواب ملا؛ ”سر! یہ شاہد حمید ایم پی اے کا چہتا ہے۔ دیکھ لیں۔ بڑی مشکل ہوگی۔“ انہیں دو ٹوک الفاظ میں کہا؛ ”میرے دفتر پہنچنے سے پہلے اس کے معطلی آڈرز میرے میز پر ہوں۔ کوئی ایم پی اے فون کرے تو اسے بتا دیں مجھ سے بات کرے۔”

یہ بھی پڑھیں: سٹاک ایکس چینج میں شدید مندی، انڈیکس 6300 پوائنٹس کی کمی سے ایک لاکھ 82 ہزار پوائنٹس پر آ گیا

نتیجہ

میرے دفتر پہنچنے تک معطلی آڈرز حسب منشا میز پر تھا اور ابراہیم گھمن بھی۔ کہنے لگا؛ ”سر! ایم پی اے آتا ہی گا۔ یہ اس کا خاص بندہ ہے۔“ ان کے منہ سے ایسے الفاظ سن کر میں اُس پر ترس ہی کھا سکتا تھا۔ ابراہیم گھمن رینکر تھا اور رینکرز میں دو باتیں عام ملتی ہیں۔ ”جی حضوری اور دوسری افسر تک رسائی افسر کا ذریعہ براستہ پی اے۔“ براہ راست افسر کے دفتر جانے سے کتراتے ہیں۔ میں بھی ان کے اصرار پر کمشنر کو ملنے گیا اور ہزیمت اٹھانا پڑی تھی۔(جاری ہے)