بنگلہ دیش اور بھارت کے سفارتی تعلقات میں ’’نیا موڑ‘‘، ڈھاکہ نے بڑا قدم اٹھا لیا

بنگلہ دیش اور بھارت کے سفارتی تعلقات میں نیا موڑ

ڈھاکہ (مانیٹرنگ ڈیسک) بنگلہ دیش نے ایک اہم قدم اٹھاتے ہوئے بھارتی دارالحکومت نئی دہلی میں بنگلہ دیش ہائی کمیشن کی قونصلر اور ویزا خدمات معطل کر دی ہیں۔

یہ بھی پڑھیں: امریکہ نے غیر قانونی اور جرائم میں ملوث 200 بھارتیوں کو ملک بدر کر دیا

خدمات کی معطلی کی وجوہات

نئی دہلی میں قائم بنگلہ دیش ہائی کمیشن نے سیکیورٹی خدشات کے پیشِ نظر تمام قونصلر اور ویزا خدمات تاحکمِ ثانی معطل کر دی ہیں۔ ہائی کمیشن کی جانب سے نوٹس بورڈ پر جاری اعلامیے میں کہا گیا ہے کہ ناگزیر حالات کے باعث یہ خدمات عارضی طور پر بند کی جا رہی ہیں۔

یہ بھی پڑھیں: ہم صیہونیوں پر کوئی رحم نہیں کریں گے: ایرانی سپریم لیڈر آیت اللہ خامنہ ای

احتجاج کے بعد کا اقدام

بنگلہ دیشی میڈیا کے مطابق یہ اقدام اس واقعے کے 2 دن بعد سامنے آیا ہے جب کچھ لوگوں نے نئی دہلی میں بنگلہ دیش مشن کے باہر احتجاج کیا تھا۔ بنگلہ دیش کے خارجہ امور کے مشیر توحید حسین نے بتایا کہ مظاہرین نے ہائی کمشنر ریاض حمید اللّٰہ کو جان سے مارنے کی دھمکیاں دیں۔

سیکیورٹی صورت حال میں مزید اقدامات

دوسری جانب گزشتہ روز چٹاگانگ میں انڈین ویزا ایپلیکیشن سینٹر نے بھی بھارتی اسسٹنٹ ہائی کمیشن کے اطراف سیکیورٹی صورتِ حال کے باعث اپنی سرگرمیاں معطل کر دیں۔ گزشتہ ہفتے ڈھاکہ، کھلنا اور چٹاگانگ میں بھی احتجاج کے دوران ویزا مراکز جزوی طور پر بند رہے تھے۔ حالیہ کشیدگی کے تناظر میں دونوں ممالک کے ہائی کمشنرز کو بھی طلب کیا گیا ہے۔