فیلڈ مارشل سید عاصم منیر بدلتے عالمی نظام میں مؤثر سٹریٹجک رہنما بن کر ابھرے ہیں: فنانشل ٹائمز

فیلڈ مارشل سید عاصم منیر کی ابھرتی ہوئی قیادت

لندن (مانیٹرنگ ڈیسک) برطانوی جریدے فنانشل ٹائمز نے کہا ہے کہ فیلڈ مارشل سید عاصم منیر بدلتے عالمی نظام میں مؤثر سٹریٹجک رہنما بن کر ابھرے ہیں۔ جریدے نے آرمی چیف و چیف آف ڈیفنس فورسز فیلڈ مارشل سید عاصم منیر کو کثیر جہتی خارجہ پالیسی کا ماہر قرار دیا ہے۔ بدلتی عالمی سیاست نے مڈل پاورز کے لیے نیا مگر مشکل دور کھول دیا ہے۔ مڈل پاورز کے لیے یہ پیش رفت خاصی پیچیدہ ثابت ہو رہی ہے۔

یہ بھی پڑھیں: ریلوے ملازمین نے ایمانداری کی مثال قائم کر دی، مسافر کو 40 ہزار روپے واپس مل گئے۔

مڈل پاورز میں کامیاب ملٹی الائنرز

’’جنگ‘‘ کے مطابق فنانشل ٹائمز نے مزید لکھا کہ فیلڈ مارشل سید عاصم منیر درمیانی طاقتوں کے سب سے کامیاب ملٹی الائنرز میں شامل ہیں۔ امریکی صدر ٹرمپ کے ساتھ سب سے بہتر ہم آہنگ ہونے کا اعزاز پاکستان کے عسکری سربراہ فیلڈ مارشل سید عاصم منیر کو جاتا ہے۔

یہ بھی پڑھیں: الیکشن کمیشن نے عادل خان بازئی کو ڈی سیٹ کر دیا

پاکستان کی مؤثر سفارتکاری

فنانشل ٹائمز کے مطابق فیلڈ مارشل سید عاصم منیر نے پاکستان کی سفارتکاری کو بدلتے عالمی ماحول میں مؤثر انداز میں آگے بڑھایا ہے۔ ٹرمپ کے ساتھ بروقت خوش گفتاری اور نرم سفارتی رویہ مؤثر ثابت ہوا۔ پاکستان کی سفارتی کامیابی نے بھارت کو مایوس کیا۔ بھارت کے لیے درمیانی طاقت کا کھیل توقع سے زیادہ مشکل ثابت ہوا ہے۔ ہندوستان بدلتے عالمی حالات اور ٹرمپ کے انداز سے ہم آہنگ نہ ہوسکا، اس سفارتی ناکامی کے باعث ہندوستان کو مڈل پاور حکمتِ عملی میں مشکلات کا سامنا ہے۔

کامیاب مڈل پاورز کی مثال

فنانشل ٹائمز نے فیلڈ مارشل سید عاصم منیر کو مڈل پاورز سفارتکاری کی بھی کامیاب مثال قرار دیتے ہوئے لکھا کہ پاکستان کی قیادت واشنگٹن، بیجنگ، ریاض اور تہران کے درمیان بیک وقت روابط میں متحرک رہی۔