ملک کے مختلف شہروں میں مزید بارش اور برفباری، موسم دلفریب

موسمی حالات میں تبدیلی

اسلام آباد(ڈیلی پاکستان آن لائن) ملک کے مختلف شہروں میں مزید بارش اور برفباری نے موسم دلفریب بنا دیا۔

یہ بھی پڑھیں: ملیحہ لودھی کا بھارتی وزیر خارجہ کی شنگھائی تعاون تنظیم اجلاس میں آمد پر بیان

وادی نیلم میں بارش اور برفباری

نجی ٹی وی چینل دنیا نیوز کے مطابق وادی نیلم میں تیسرے روز بھی وقفے وقفے سے بارش اور برفباری کا سلسلہ جاری رہا، سردی کی شدت میں مزید اضافہ ہوگیا، بالائی علاقوں میں 2 فٹ سے زائد تک برفباری ریکارڈ کی گئی، مظفرآباد میں پہاڑوں پر برفباری کا سلسلہ تھم گیا۔

محکمہ موسمیات کی رپورٹ

محکمہ موسمیات کے مطابق لہہ میں پارہ منفی 8، گوپس منفی 4، کالام اور کوئٹہ میں منفی 3 ریکارڈ کیا گیا، قلات میں درجہ حرارت منفی 2 اور مالم جبہ میں منفی ایک سینٹی گریڈ رہا۔ ادھر ملک بھر میں آج دھند چھائے رہنے کا امکان ہے۔