قائداعظمؒ جمہوریت، انصاف اور برابری کے علمبردار تھے: صدر، وزیراعظم کا پیغام

قائد اعظم محمد علی جناحؒ کو خراج عقیدت

اسلام آباد(ڈیلی پاکستان آن لائن) صدر آصف علی زرداری اور وزیراعظم محمد شہبازشریف نے بابائے قوم قائد اعظم محمد علی جناحؒ کو یوم ولادت پر خراج عقیدت پیش کیا۔

یہ بھی پڑھیں: پشاور ہائیکورٹ نے صاحبزادہ حامد رضا اور دیگر کی الیکشن کمیشن کی جانب سے نااہلی کیخلاف درخواستیں واپس کردیں

صدر مملکت آصف علی زرداری کا پیغام

صدرِ مملکت آصف علی زرداری نے اپنے پیغام میں کہا کہ آج قائداعظم کو خراجِ عقیدت پیش کرنے کے ساتھ یقین محکم اور انتھک محنت کو یاد کرنے کا دن ہے جس نے پاکستان کی تشکیل میں بنیادی کردار ادا کیا۔ قائداعظمؒ جمہوریت، انصاف اور برابری کے علمبردار تھے، یہ اقدار ہمارے قومی سفر کا مرکز ہیں۔ قائد کے اصول ہماری ترقی، سماجی ہم آہنگی اور اعتماد کے استحکام کیلئے آج بھی ناگزیر ہیں۔

یہ بھی پڑھیں: او پی سی پنجاب اور او پی ایف ملکر تارکین وطن کیلئے کام کریںگے، سرمایہ کارکا اعتماد بحال ہو گا

چیلنجز کا سامنا اور قائداعظمؒ کی رہنمائی

ان کا کہنا تھا کہ جب قوم مختلف چیلنجز سے نمٹ رہی ہے تو قائداعظمؒ کی قیادت اور اصول آج بھی ہمارے لئے رہنمائی کا ذریعہ ہیں۔ قوم آئندہ برس قائداعظم کے 150 ویں یومِ پیدائش کی جانب بڑھ رہی ہے، جو ایک اہم سنگ میل ہے۔

یہ بھی پڑھیں: گاڑی کی ٹکر لگنے پر مشتعل افراد کا سینئر اداکار راشد محمود پر تشدد

نوجوانوں سے اپیل

صدر مملکت نے کہا کہ ضروری ہےکہ قائداعظمؒ کی زندگی اور جدوجہد پر سنجیدہ غور کیا جائے، ان کے وژن سے وابستگی کی تجدید کی جائے اور ان کے نظریات کو دیانت اور مقصدیت کے ساتھ آنے والی نسلوں تک منتقل کیا جائے۔ انہوں نے نوجوانوں سے اپیل کی کہ وہ قائداعظمؒ کی اقدار سے وابستہ رہتے ہوئے ایک پرامن اور جامع پاکستان کی تعمیر میں کردار ادا کریں۔

یہ بھی پڑھیں: سموگ کنٹرول کے لیے محکمہ ماحولیات کو عملی اقدامات کا حکم

وزیراعظم شہباز شریف کا پیغام

وزیراعظم محمد شہباز شریف

وزیراعظم محمد شہباز شریف نے قائداعظم کے 149 ویں یوم پیدائش پر قوم کے نام اپنے پیغام میں کہا کہ پوری قوم اس موقع پر بابائے قوم کو دلی خراجِ عقیدت پیش کرتی ہے۔ قائداعظم کا یوم پیدائش تجدیدِ عہد کا دن ہے اور ان کے رہنما اصولوں پر انفرادی اور قومی سطح پر عمل ناگزیر ہے۔

یہ بھی پڑھیں: ایران میں مظاہروں پر سپریم لیڈر کا رد عمل آگیا

قائداعظمؒ کی تعلیمات

ان کا کہنا تھا کہ قائداعظمؒ نے بلاتفریق رنگ و نسل اور مذہب، ہم آہنگی اور انصاف کا درس دیا، جبکہ ایمان، اتحاد اور تنظیم روشن قومی مستقبل کی ضمانت ہیں۔

یہ بھی پڑھیں: عورت جنگ بھی لڑ سکتی ہے، جہاز بھی اڑا سکتی ہے اور وزیر اعلیٰ بن کر مردوں کو ٹف ٹائم بھی دے سکتی ہے، مریم نواز

قوم کا عزم

شہباز شریف نے کہا کہ قائداعظم آنے والی نسلوں کیلئے مشعلِ راہ ہیں اور ان کی سیاسی بصیرت نے قیام پاکستان کو ممکن بنایا۔ قائداعظم نے تاریخ کا دھارا موڑ کر مسلمانوں کا خواب حقیقت میں بدلا، آزاد، خودمختار اور فلاحی ریاست کیلئے جدوجہد کی اور سامراجی قوتوں کو شکست دی۔

متحد ہو کر کام کرنے کی ضرورت

وزیراعظم نے قوم پر زور دیا کہ آج اس عزم کی تجدید کریں کہ قائداعظم کے نقشِ قدم پر چلتے ہوئے قوم کے وقار، تحفظ اور خوشحالی کیلئے متحد ہو کر کام کریں۔