میئر لندن صادق خان نے ٹریفک فیس میں بڑی تبدیلیوں کا اعلان کر دیا

لندن (ڈیلی پاکستان آن لائن) میئر لندن صادق خان نے کنجیشن چارج ٹریفک فیس میں بڑی تبدیلیوں کا اعلان کیا ہے۔

الیکٹرک گاڑیوں پر کنجیشن چارج کا نفاذ

برطانوی میڈیا کے مطابق صادق خان نے الیکٹرک گاڑیوں کیلئے مکمل رعایت ختم کردی ہے، جس کے باعث آج سے الیکٹرک گاڑیوں پر بھی کنجیشن چارج لاگو ہوگا۔

نئے رعایتی نظام کی تفصیلات

2 جنوری 2026 سے نیا رعایتی نظام نافذ ہوگا۔ رعایت کے حصول کے لئے آٹو پے میں رجسٹریشن لازمی قرار دی گئی ہے، جس کے تحت الیکٹرک کاروں کو 25 فیصد رعایت ملے گی جبکہ بڑی الیکٹرک وینز اور گاڑیوں کو 50 فیصد رعایت دی جائے گی۔

کنجیشن چارج کی نئی قیمتیں

برطانوی میڈیا کے مطابق روزانہ کنجیشن چارج 15 سے بڑھا کر 18 پاؤنڈ کر دیا گیا ہے، جبکہ دیر سے ادائیگی پر چارج 21 پاؤنڈ تک ہوگا۔ اس حوالے سے میئر لندن صادق خان نے کہا کہ ٹریفک کم کرنا معیشت کے لئے ناگزیر ہے، کلینر وہیکل ڈسکاؤنٹ ابتدا ہی سے عارضی تھا۔