صارفین کی نیٹ میٹرنگ رجسٹریشن روکنے کا انکشاف، ڈسکوز کو نوٹس جاری

نیٹ میٹرنگ کی نئی درخواستوں کی روک تھام

اسلام آباد (ویب ڈیسک) بجلی کمپنیوں کی جانب سے نیٹ میٹرنگ کی نئی درخواستوں کی رجسٹریشن روکنے کا انکشاف ہوا ہے جس پر نیپرا نے سخت نوٹس لیتے ہوئے تمام ڈسکوز سے جواب طلب کرلیا۔

یہ بھی پڑھیں: انسداد دہشتگردی عدالت سے سزائیں؛الیکشن کمیشن نے 2ارکان اسمبلی کو نااہل قرار دیدیا

نیپرا کی جانب سے نوٹس کا اجراء

ایکسپریس نیوز کے مطابق نیپرا کی جانب سے کے الیکٹرک سمیت تمام ڈسکوز کو نوٹس ارسال کیا گیا ہے جس میں کہا گیا ہے کہ اتھارٹی کے مشاہدے میں آیا ہے کہ نئی نیٹ میٹرنگ رجسٹریشن روک دی گئی ہے۔ یہ اقدام انتہائی تشویش ناک ہے، کیونکہ نئی درخواستوں کی رجسٹریشن روکنا مروجہ قوانین کی بھی خلاف ورزی ہے۔

فوری معلومات کی طلب

نیپرا نے اس معاملے کو موسٹ ارجنٹ قرار دیتے ہوئے کہا ہے کہ تمام ڈسکوز تین ورکنگ دنوں کے اندر تمام تفصیلات فراہم کریں۔