نائجیریا نے داعش کے ٹھکانوں پر امریکی فضائی حملوں کی تصدیق کر دی

نائجیریا میں امریکی فضائی حملے

ابوجہ (مانیٹرنگ ڈیسک) نائجیریا نے داعش کے ٹھکانوں پر امریکی فضائی حملوں کی تصدیق کر دی۔

یہ بھی پڑھیں: انڈین خاندان کا امریکہ اور کینیڈا کی سرحد پر آخری سفر: “یہاں سب کی آنکھوں میں باہر جانے کے خواب ہیں”

حملوں کی تفصیلات

تفصیلات کے مطابق نائیجیریا کی وزارت خارجہ نے شمال مغربی نائیجیریا میں داعش کے ٹھکانوں پر امریکی فضائی حملوں کی تصدیق کی ہے۔ جاری کردہ بیان میں نائیجیریا کے حکام نے کہا کہ امریکی فضائی حملوں میں دہشتگرد اہداف کو انتہائی درست انداز میں نشانہ بنایا گیا۔ دہشت گردی اور انتہاپسندی سے نمٹنے کے لیے امریکا اور عالمی شراکت داروں سے رابطے میں ہیں۔

یہ بھی پڑھیں: نرسز کے لیے 2 ہزار سے زائد بین الاقوامی ملازمتوں کی ڈیمانڈ موجود ہے، نادر چٹھہ

نائیجیرین وزیر خارجہ کا بیان

’’جنگ‘‘ کے مطابق نائیجیرین وزیر خارجہ نے کہا کہ امریکا کے ساتھ دہشتگردی کے خاتمے کے لیے مشترکہ حکمت عملی پر کام جاری رکھیں گے، یہ ایک مشترکہ آپریشن تھا، جس میں دہشتگردوں کو نشانہ بنایا گیا۔

امریکی صدر کا موقف

اس سے قبل امریکی صدر ڈونلڈ ٹرمپ کا کہنا تھا کہ نائیجیریا میں داعش مسیحیوں کو بے رحمی سے قتل کر رہی تھی اس لیے وہاں محکمہ جنگ نے کئی کامیاب حملے کیے ہیں۔ امریکہ نے شمال مغربی نائیجیریا میں داعش کے دہشتگردوں کے خلاف طاقتور اور مہلک حملہ کیا ہے۔