قائدِ اعظم محمد علی جناحؒ کے یومِ پیدائش کی مناسبت سے جدہ میں تقریب، خراج عقیدت پیش کیا گیا

149ویں یومِ پیدائش کی تقریب

جدہ (محمد اکرم اسد) بانیٔ پاکستان قائدِ اعظم محمد علی جناحؒ کی 149ویں یومِ پیدائش کے موقع پر جدہ میں صحافی برادری اور زم زم ٹو نائیٹ کی مینجمنٹ کے اشتراک سے ایک پروقار تقریب کا انعقاد کیا گیا، جس میں سالگرہ کا کیک کاٹا گیا اور قائدِ اعظم کو شاندار خراجِ عقیدت پیش کیا گیا۔

یہ بھی پڑھیں: پی ٹی آئی سے بات چیت میں مکمل ڈیڈلاک ہے: رانا ثنا اللّٰہ

شرکاء کی تفصیلات

تقریب میں چیئرمین پاک میڈیا جرنلسٹس فورم چوہدری نورالحسن گجر، سینئر نائب صدر حسن بٹ، پاکستان جرنلسٹ فورم کے سینئر اراکین خالد نواز چیمہ، اسد اکرم اور زم زم ٹو نائیٹ کے منیجنگ ڈائریکٹر علی احمد ارشد المعروف پپو نے خصوصی شرکت کی۔

یہ بھی پڑھیں: بسنت پر صوبہ پنجاب میں 20 ارب روپے سے زائد کا کاروبار ہوا، جس سے صوبائی معیشت کو نمایاں فائدہ پہنچا، آل پاکستان کائٹ فلائنگ ایسوسی ایشن

مقررین کے خیالات

اس موقع پر مقررین نے کہا کہ آج ملک کے پندرہ کروڑ سے زائد عوام برصغیر کے مسلمانوں کو ہندو راج سے آزادی دلوانے والے عظیم رہنما کی پیدائش کی خوشی منا رہے ہیں۔ انہوں نے کہا کہ ماہِ رمضان المبارک میں پاکستان کا قیام اللہ تعالیٰ کی طرف سے ایک عظیم تحفہ تھا، جس کی حفاظت آج بھی محب وطن عوام کر رہے ہیں۔

یہ بھی پڑھیں: امریکی صدر ٹرمپ کا سعودی ولی عہد محمد بن سلمان سے دلچسپ سوال

آزادیٔ صحافت پر قائد کا یقین

مقررین نے قائدِ اعظم محمد علی جناحؒ کے آزادیٔ صحافت سے متعلق فرمودات کا حوالہ دیتے ہوئے کہا کہ بانیٔ پاکستان آزادیٔ صحافت پر مکمل یقین رکھتے تھے۔ قائدِ اعظمؒ نے واضح الفاظ میں فرمایا تھا کہ “میں صحافت کی آزادی پر مکمل یقین رکھتا ہوں، کوئی بھی قوم اس وقت تک ترقی نہیں کر سکتی جب تک اس کی صحافت آزاد نہ ہو۔”

خاتمہ اور دعا

انہوں نے کہا کہ آج ہمیں قائدِ اعظمؒ کے ان سنہری اصولوں پر عمل کرتے ہوئے ملک میں یکجہتی، برداشت اور آزادیٔ اظہار کو فروغ دینے کی اشد ضرورت ہے تاکہ پاکستان ترقی کی راہ پر گامزن ہو سکے۔ آخر میں قائدِ اعظم محمد علی جناحؒ کی خدمات کو خراجِ عقیدت پیش کیا گیا اور ملکی سلامتی و ترقی کے لیے دعا کی گئی اور سالگرہ کا کیک کاٹا گیا。