پنجاب حکومت کا بسنت پر لاہور میں بسیں اور رکشے فری چلانے کا اعلان

بسنت کے موقع پر مفت ٹرانسپورٹ کا اعلان

لاہر (ڈیلی پاکستان آن لائن)۔ پنجاب حکومت نے بسنت کے موقع پر شہریوں کو سہولت فراہم کرنے کے لیے 6، 7 اور 8 فروری کو لاہور میں بسیں اور رکشے مفت چلانے کا اعلان کر دیا ہے۔

یہ بھی پڑھیں: خیبرپختونخوا کابینہ میں توسیع کا فیصلہ، نئے وزراء کے لئے مشاورت شروع

مفت پبلک ٹرانسپورٹ کا مقصد

وزیرِ اطلاعات پنجاب، عظمیٰ بخاری نے بتایا کہ تین روز کے لیے پبلک ٹرانسپورٹ کو مفت کیا جا رہا ہے تاکہ شہری موٹر سائیکل کے استعمال سے گریز کریں اور ٹریفک حادثات میں کمی لائی جا سکے۔

ڈور اور پتنگوں کی مینوفیکچرنگ کی اجازت

دوسری جانب سینئر صوبائی وزیر مریم اورنگزیب نے ڈور اور پتنگوں سے متعلق امور پر بات کرتے ہوئے کہا کہ 30 دسمبر سے مینوفیکچرنگ کی اجازت دی جا رہی ہے، جبکہ اس حوالے سے جامع حکمتِ عملی تیار کرنے کے لیے 5 جنوری تک سب کمیٹی تشکیل دے کر پلان پیش کرنے کی ہدایت بھی جاری کر دی گئی ہے۔