عمران فاروق کو بانی ایم کیو ایم نے قتل کروایا،مصطفیٰ کمال

مصطفیٰ کمال کا الزام

کراچی(ڈیلی پاکستان آن لائن) وزیر صحت اور ایم کیو ایم رہنما مصطفیٰ کمال کا کہنا ہے کہ عمران فاروق کو بانی ایم کیو ایم نے قتل کروایا، عمران فاروق کو قتل کرکے بانی ایم کیو ایم کو سالگرہ کا تحفہ دیا گیا۔

یہ بھی پڑھیں: اسرائیل کے سابق وزیر اعظم نے غزہ میں نیتن یاہو کی کارروائیوں کو جنگی جرائم قرار دیدیا

بانی ایم کیو ایم کی حقیقت

نجی ٹی وی چینل دنیا نیوز کے مطابق مصطفیٰ کمال نے کہا کہ بانی ایم کیو ایم لاشوں پر آئٹم سونگ کرتے ہیں، بانی ایم کیو ایم مگرمچھ کے آنسو بہاتے ہیں، بانی ایم کیو ایم ڈرامے باز آدمی ہے۔

یہ بھی پڑھیں: ڈی آئی خان: ڈیرہ جات جیپ ریلی نادر مگسی نے جیت لی

مالی معاملات اور الزامات

بانی ایم کیو ایم 25سال سے ’’را‘‘ سے پیسے لے رہا تھا، انہوں نے کہا کہ بانی کے تکیے کے نیچے سے 5 لاکھ پاونڈ برآمد ہوئے۔ میں نے دو سال سے متحدہ بانی پر بات کرنی چھوڑ دی تھی۔

یہ بھی پڑھیں: سکول کے سامنے کُشادہ گراؤنڈ تھا، پرائمری کلاسوں میں میری تعلیمی حالت کیا تھی، ذہن سے محو ہو چکی بس اِتنا یاد ہے کبھی فیل ہونے کی نوبت نہیں آئی۔

عمران فاروق کی لاش کا معاملہ

متحدہ بانی نے عمران فاروق کی لاش پاکستان بھیجنے کے لئے لاکھوں پاونڈ چندہ وصول کیا، نام نہاد بانی ایم کیو ایم نے عمران فاروق کی لاش پر واویلا کیا۔

مزید الزامات

مصطفیٰ کمال نے کہا کہ بانی ایم کیو ایم خود قاتل تھا، عمران فاروق کی نماز جنازہ پر تصویر بنوائی، بانی ایم کیو ایم قوم کا مجرم اور غدار ہے۔ بانی ایم کیو ایم قوم کے بچے کھا گیا، بانی ایم کیو ایم مہاجروں کا نام نہاد لیڈر بنا ہوا تھا۔