پروفیسر علی ارشد میر کی یاد میں 2 روزہ 17 واں میر پنجابی میلہ، دانشوروں اور کمیونٹی ممبرز کی شرکت

پنجابی میلہ کا انعقاد

لاہور (ویب ڈیسک) پنجابی زبان و ادب کے عظیم شاعر دانشور پروفیسر علی ارشد میر کی یاد میں 2 روزہ 17 واں میر پنجابی میلہ کا انعقاد پنجاب انسٹیٹیوٹ آف لینگوئج آرٹ اینڈ کلچر میں کیا گیا۔ پنجابی زبان و ادب سے وابستہ ادیبوں، فنکاروں، شاعروں اور دانشوروں کے ساتھ عوام نے اپنی ماں بولی سے محبت کے اظہار کے لئے میلے میں شرکت کی۔

یہ بھی پڑھیں: عیدالاضحیٰ پر قیدیوں کی اسپیشل ملاقاتیں، احکامات جاری

سیشنز کی تفصیلات

میلے میں ماں بولی اور پروفیسر علی ارشد میر کی شاعری سے وابستہ کئی موضوعات کے احاطہ کے لئے سیشنز میں سیر حاصل گفتگو کی گئی۔ پہلے دن سیشنز میں "پنجاب دی موجودہ سیاست" کے حوالے سے الیاس گھمن نے نمایاں بات کی۔ دوسرے سیشنز میں "پنجابی دریاواں دا مستقبل" کے حوالے سے حکومتی رویہ، پنجاب میں انتہا پسندی کا پنپتا رجحان اور پنجاب کے دریاؤں کے پانی پر موجودہ ڈیموں کے مسئلے کو عامر ریاض ٹوٹو اور ڈاکٹر تیمور رحمٰن نے اجاگر کیا۔

یہ بھی پڑھیں: خاتون نے شوہر کو قتل کر دیا ، ڈیڑھ سال بعد لاش کہاں سے ملی ؟ تہلکہ خیز انکشاف

سیاسی مسائل پر گفتگو

پاکستان بھر میں موجودہ دریائی پانیوں پر مشتمل ڈیموں کو بنیاد بنا کر کی جانے والی سیاست پر نکتہ چینی کرتے ہوئے اس کے حل کی تجاویز بھی پیش کی گئیں۔ مختلف دوسرے سیشنز میں پنجاب کی لوک داستانوں کی ریت، پنجابی نابری دا بنیاد پرست پکھ، پنجاب کے کسانوں کے مسائل اور علی ارشد میر تے جدید پنجابی نظم پر دانشوروں اور ادیبوں نے کھل کر اظہارِ خیال کیا۔

یہ بھی پڑھیں: قومی کھلاڑیوں کے لیے خوشخبری، میڈلز جیتنے پر انعامی رقم میں بڑے اضافے کا اعلان

دانشوروں کی شرکت

دانشوروں میں پروفیسر غلام حسین ساجد، ڈاکٹر سعید بھٹہ، ڈاکٹر کلیان سنگھ، فاروق ندیم، راجہ صادق اللہ، عرفان کامریڈ شامل تھے۔ سیشنز میں کوارڈینیٹرز کے فرائض ڈاکٹر سرمد فروغ، اختر خان، سعدیہ کامریڈ اور فاروق ندیم نے ادا کیے۔ کہانی دربار میں طاہر سندھو، پروفیسر زبیر احمد، کرامت مغل، اعجاز علی، سعید انجم کھوکھر، صابر علی صابر اور احتشام کاظم شامل ہوئے۔

آرٹ اور موسیقی

میلے میں پینٹنگ اور کیلیگرافی کا مقابلہ بھی ہوا جس میں پروفیسر علی ارشد میر کی شاعری اور پنجاب کی ثقافت کو موضوع بنایا گیا۔ میلے کے پہلے روز حسنین عباس لونے والا، احمد لونے والا اور علی عمران شوکت نے فوک گیت گا کر شائقین سے خوب داد وصول کی۔ طبلہ نواز احمد علی نے اپنے فن کا جادو دکھایا۔ صوفی رقص ندیب عباس نے پیش کیا اور میلے کے پہلے روز کے اختتام پر بلال اقبال اینڈ پارٹی نے قوالی پیش کر کے حاضرین کو خوب محظوظ کیا۔