محکمہ موسمیات نے لاہور سمیت ملک بھر میں بارشوں کی پیش گوئی کردی

محکمہ موسمیات کا بارشوں کا امکان

لاہور(ڈیلی پاکستان آن لائن)محکمہ موسمیات نے ملک کے بیشترعلاقوں میں بارشوں کا امکان ظاہر کیا ہے۔ لاہور میں موسم ایک بار پھر تبدیلی کی طرف گامزن ہے۔ محکمہ موسمیات کے مطابق 31 دسمبر سے یکم جنوری تک شہر میں تیز ہواؤں اور گرج چمک کے ساتھ بارش کا امکان ہے ۔

یہ بھی پڑھیں: اسرائیل میں چاقو بردار شخص کا راہگیروں پر حملہ،6 افراد شدید زخمی،5 کی حالت نازک

آلودگی کے مسائل اور بارشوں کی توقع

لاہور اس وقت دنیا کے آلودہ ترین شہروں میں چھٹے نمبر پر ہے، ایئر کوالٹی انڈیکس 179 ریکارڈ کیا گیا۔ ماہرین کا کہنا ہے کہ متوقع بارشوں کے نتیجے میں فضائی آلودگی اور اسموگ میں واضح کمی آ سکتی ہے۔

یہ بھی پڑھیں: دنیا کی تاریخ میں پہلی بار یوکرین نے ڈرون سے روس کا جدید ترین لڑاکا طیارہ مار گرایا

کراچی میں موسم کی تبدیلی

محکمہ موسمیات کے مطابق کراچی میں موسم سرما کی پہلی بارش 30 دسمبر کو ہونے کا امکان ہے، منگل سے بدھ کے درمیان کراچی میں مغربی ہواؤں کا سسٹم اثر انداز ہو سکتا ہے، جس کے بعد سردی میں اضافے کی توقع ہے۔

یہ بھی پڑھیں: کوئٹہ میں بلوچستان نیشنل پارٹی جلسہ میں سردار اختر مینگل کی گاڑی پر دھماکہ

بلوچستان میں بارش اور برفباری

محکمہ موسمیات کے مطابق بلوچستان میں 29 دسمبر سے یکم جنوری تک بارش، آندھی اور گرج چمک کے ساتھ برفباری کا امکان ہے۔ بارش اور برفباری کے باعث درجہ حرارت میں کمی آنے کا امکان ہے۔

یہ بھی پڑھیں: آئی جی پنجاب سے پولیس ملازمین اور ان کے اہلخانہ کی ملاقات، فوری ریلیف کے احکامات جاری

بالائی علاقوں میں موسم کی شدت

بیان کے مطابق 30 دسمبر اور یکم جنوری کے دوران چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک، ڈیرہ اسماعیل خان، ٹانک اور کوہاٹ میں تیز ہواؤں اور گرج چمک کے ساتھ وقفے وقفے سے بارش کا امکان ہے اور بالائی علاقوں میں درمیانی سے شدید درجے کی برفباری کی بھی توقع ہے۔

گلگت بلتستان میں سرد موسم

دوسری جانب گلگت بلتستان کے بالائی علاقوں میں سردی کی شدت میں اضافے کی وجہ سے پانی جم گیا اور محکمہ موسمیات نے بارش اور ہلکی برف باری کی نوید سنا دی ہے۔