بنگلہ دیش کی سابق وزیراعظم خالدہ ضیاء کی نماز جنازہ پارلیمنٹ ہاؤس کے سامنے ادا کر دی گئی، ہزاروں افراد کی شرکت۔

خالدہ ضیا کی نماز جنازہ

ڈھاکہ (مانیٹرنگ ڈیسک) بنگلادیش کی پہلی خاتون وزیراعظم خالدہ ضیا کی نماز جنازہ ادا کر دی گئی۔

یہ بھی پڑھیں: بھارت، پہلگام فالس فلیگ کا پردہ چاک کرنے پر آسام کا مسلمان رکن قانون ساز اسمبلی گرفتار

میا مانک ایونیو میں نماز جنازہ

’’جیو نیوز‘‘ کے مطابق، خالدہ ضیا کی نماز جنازہ ڈھاکہ میں بنگلہ دیش کی پارلیمنٹ ہاؤس کے سامنے میا مانک ایونیو میں ادا کی گئی۔ اس موقع پر سیاسی رہنماؤں سمیت ہر طبقۂ فکر سے تعلق رکھنے والے افراد نے بڑی تعداد میں شرکت کی۔ چیف ایڈوائزر بنگلہ دیش ڈاکٹر محمد یونس بھی نماز جنازہ میں شریک ہوئے جبکہ حکومت پاکستان کی نمائندگی سپیکر قومی اسمبلی سردار ایاز صادق نے کی۔ وزیراعظم شہباز شریف کی ہدایت پر ایاز صادق پاکستانی حکومت اور عوام کی جانب سے خالدہ ضیاء کے اہلخانہ سے تعزیت کریں گے۔

یہ بھی پڑھیں: پولیس اہلکار ہسپتال کے باتھ روم میں خواتین کی نازیبا تصاویر بناتے پکڑا گیا

آخری آرام گاہ

خالدہ ضیاء کو ان کے شوہر اور سابق صدر بنگلہ دیش ضیا ءالرحمان کے پہلو میں سپرد خاک کیا جائے گا۔

انتقال اور سیاسی کیریئر

یاد رہے کہ 2 مرتبہ بنگلہ دیش کی وزیراعظم رہنے والی خالدہ ضیاء کا انتقال ڈھاکہ کے اسپتال میں ہوا تھا۔ وہ 1991 سے 1996 اور پھر 2001 سے 2006 تک بنگلہ دیش کی وزیراعظم رہیں۔