حیدر آباد میں دفعہ 144 کے تحت پتنگ بازی پر 90 روز کے لیے پابندی عائد

حیدر آباد میں پتنگ بازی پر پابندی

حیدر آباد (ڈیلی پاکستان آن لائن) صوبہ سندھ کے شہر حیدر آباد میں دفعہ 144 کے تحت پتنگ بازی پر 90 روز کے لیے پابندی عائد کردی گئی ہے۔

نوٹیفکیشن کی تفصیلات

کمشنر حیدرآباد فیاض حسین عباسی نے نوٹیفکیشن جاری کردیا، جس کے مطابق یکم جنوری سے 31 مارچ تک عوامی و نجی مقامات پر پتنگ اُڑانے، پتنگ اور ڈور کی خرید و فروخت، تیاری اور ذخیرہ اندوزی پر پابندی ہوگی۔ پتنگ بازی سے متعلق کسی بھی قسم کی سرگرمی یا اجتماع کی اجازت نہیں ہوگی۔ خلاف ورزی کی صورت میں متعلقہ تھانے کا انسپکٹر دفعہ 188 پی پی سی کے تحت کارروائی کا مجاز ہوگا۔

پابندی کی وجوہات

کمشنر حیدر آباد کا کہنا ہے کہ پابندی شہر میں پتنگ بازی کے باعث بڑھتے حادثات کے سبب عائد کی گئی ہے۔