چینی وزیراعظم کے دورہ پاکستان: قرضوں کی ری پروفائلنگ کی توقع

چینی وزیراعظم کا متوقع دورہ پاکستان

اسلام آباد(ڈیلی پاکستان آن لائن)چینی وزیراعظم کے متوقع دورہ پاکستان میں قرضوں کی ری پروفائلنگ کے ایم اویو پر دستخط کا امکان ہے۔ جیو نیوز کے مطابق دورے میں سی پیک کے تحت بجلی منصوبوں کے 15 ارب 40 کروڑ ڈالرز قرضے کی ری پروفائلنگ کا امکان ہے۔

یہ بھی پڑھیں: بیگم کی اجازت سے بڑی ڈائننگ ٹیبل پر ہم نے بہت محنت سے عمارتیں کھڑیں کیں، پٹریاں بچھائیں، اور ان پر دوتین گاڑیاں بھی جوڑ کر کھڑ ی کر دیں

قرضوں کی ری پروفائلنگ کی تجویز

پاکستان نے سی پیک کے تحت بجلی منصوبوں کے قرضوں کی ری پروفائلنگ کی تجویز دی ہے، جس کے تحت پاکستان کی مجموعی ادائیگی کا بوجھ ایک ارب22 کروڑ ڈالرز بڑھ جائے گا۔ ادائیگی کی مدت میں 5 سال کی توسیع سے ادائیگی کا حجم 15.4 ارب سے بڑھ کر 16.62 ارب ڈالرز ہوجائے گا۔

یہ بھی پڑھیں: امریکہ نے ثالثی کا کردار ادا کرنے کیلئے کوئی رابطہ نہیں کیا: عرفان صدیقی

ایم اویو پر دستخط اور منظوری

پاکستان کا پرائیویٹ پاور انفراسٹرکچر بورڈ اور چینی کمپنیاں ایم اویو پر دستخط کریں گی۔ قرضوں کی ری پروفائلنگ میں تین سال تک چین کو ادائیگی نہ کرنے کی تجویز بھی شامل ہے۔ یہ قرارداد ایم او یو کی منظوری وفاقی کابینہ سے لی جائے گی۔

شنگھائی تعاون تنظیم کا سربراہی اجلاس

خیال رہے کہ شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا جس میں چینی وزیراعظم بھی شرکت کریں گے۔ یہ 11 سال بعد کسی بھی چینی وزیراعظم کا دورہ پاکستان ہوگا۔