سابق وزیر اعظم سردار عتیق احمد خان پبلک اکاؤنٹس کمیٹی اے جے کے کی رکنیت سے مستعفی
سردار عتیق احمد خان کا استعفیٰ
اسلام آباد (ڈیلی پاکستان آن لائن) سابق وزیر اعظم آزاد جموں و کشمیر و مسلم کانفرنس کے صدر سردار عتیق احمد خان نے پبلک اکاؤنٹس کمیٹی آزاد کشمیر کی رکنیت سے استعفیٰ دے دیا۔
یہ بھی پڑھیں: عمران خان کو مسئلہ حل کرنے کیلئے کس سے بات کرنی چاہئے؟ رانا ثنا اللہ نے بتادیا
استعفیٰ کی وجوہات
تفصیلات کے مطابق سردار عتیق احمد خان نے سپیکر قانون ساز اسمبلی کو اپنا تحریری استعفیٰ ارسال کیا ہے جس میں مؤقف اپنایا گیا ہے کہ ان کا نام مشاورت کے بغیر پبلک اکاؤنٹس کمیٹی میں شامل کیا گیا، اس لئے میں کمیٹی سے مستعفی ہوتا ہوں۔
کمیٹی کی تشکیل
’’اے پی پی‘‘ کے مطابق آزاد جموں و کشمیر میں نئی حکومت بننے کے بعد مہاجرین کی نشست پر کامیاب ماجد خان کی سربراہی میں پبلک اکاؤنٹس کمیٹی تشکیل دی گئی، جس میں سردار عتیق احمد خان کو بھی ممبر کے طور پر شامل کیا گیا تھا۔
