پاک فضائیہ کا مقامی طور پر تیار کردہ تیمور ویپن سسٹم کا کامیاب تجربہ

پاک فضائیہ کا کامیاب فلائٹ ٹیسٹ

اسلام آباد (ڈیلی پاکستان آن لائن) پاک فضائیہ نے مقامی طور پر تیار کردہ تیمور ویپن سسٹم کا کامیاب فلائٹ ٹیسٹ کیا ہے۔

یہ بھی پڑھیں: پی ایس 9 شکارپور: ضمنی انتخاب کے لیے پولنگ جاری

تیمور میزائل کی خصوصیات

آئی ایس پی آر کے مطابق تیمور ائیر لانچڈ کروز میزائل 600 کلومیٹر تک زمینی اور بحری اہداف کو نشانہ بنانے کی صلاحیت رکھتا ہے۔ کم بلندی پر پرواز کرنے کی صلاحیت، دشمن کے ائیر اور میزائل ڈیفنس سسٹمز کو چکمہ دینے میں مؤثر ہے جب کہ تیمور کروز میزائل جدید نیوی گیشن اور گائیڈنس سسٹم سے لیس ہے۔

یہ بھی پڑھیں: واشنگٹن میں نیشنل گارڈ پر حملہ کرنے والا مشتبہ شخص افغان شہری نکلا

دفاعی صلاحیت میں اضافہ

آئی ایس پی آر کا کہنا ہے کہ تیمور میزائل کی کامیابی سے پاک فضائیہ کی روایتی دفاعی صلاحیت میں نمایاں اضافہ ہوا ہے۔ تیمور ویپن سسٹم علاقائی سکیورٹی ماحول میں پاکستان کے قابلِ اعتماد دفاع کو مضبوط بناتا ہے۔ یہ کامیابی قومی سلامتی کے اہداف کے حصول کی عکاسی کرتی ہے اور قومی عزم اور تکنیکی خود کفالت کا ثبوت ہے۔

یہ بھی پڑھیں: ایلون مسک کو حکومت میں کردار مہنگا پڑ گیا، بڑا نقصان ہو گیا

فلائٹ ٹیسٹ کا مشاہدہ

آئی ایس پی آر کے مطابق فلائٹ ٹیسٹ کا مشاہدہ پاک افواج کے سینئر افسران اور سائنسدانوں نے کیا۔ ائیر چیف مارشل ظہیر احمد بابر سدھو نے سائنسدانوں اور انجنیئرز کو مبارکباد دی۔

صدر مملکت کا خراجِ تحسین

دوسری جانب صدرِ مملکت نے پاک فضائیہ کی جانب سے مقامی طور پر تیار کردہ تیمور ویپن سسٹم کے کامیاب تجربے پر خراجِ تحسین پیش کیا ہے۔

صدر مملکت نے کہا کہ مقامی سطح پر جدید ہتھیاروں کی تیاری قومی صلاحیت، عزم اور ادارہ جاتی مہارت کی واضح عکاسی ہے۔ یہ کامیابی قومی دفاع میں خود انحصاری کے سفر میں ایک اہم پیشرفت ہے، دفاعی شعبے میں جدید ٹیکنالوجی کا فروغ پاکستان کی سلامتی اور خودمختاری کے تحفظ کے عزم کا اظہار ہے۔