پولیس مقابلہ منگھوپیر: 5 ڈاکو ہلاک

پولیس مقابلہ اور ڈاکوؤں کی ہلاکت

کراچی (ڈیلی پاکستان آن لائن) کراچی کے علاقے منگھو پیر میں پولیس مقابلے کے دوران 5 ڈاکو ہلاک ہو گئے۔

یہ بھی پڑھیں: امریکی انتخابات میں ’جیری مینڈرنگ‘ کیا ہے؟

سرچ آپریشن کی تفصیلات

ایس ایس پی ویسٹ طارق مستوئی نے بتایا کہ منگھوپیر کے علاقے خیر آباد میں سرچ آپریشن کیا گیا۔ اسی دوران 2 موٹر سائیکلوں پر ڈاکوؤں کی اطلاع ملی۔ علاقے کی ناکہ بندی کے دوران ڈاکوؤں سے فائرنگ کا تبادلہ ہوا۔

یہ بھی پڑھیں: چین میں 35 افراد کو کچلنے والا شخص طلاق کے بعد زمین کے تنازع پر ناخوش تھا

ہلاک شدہ ڈاکوؤں سے برآمدگی

انہوں نے بتایا کہ فائرنگ کے تبادلے میں 5 ڈاکو ہلاک ہوئے اور ان کے قبضے سے اسلحہ اور دیگر سامان بھی برآمد کر لیا گیا۔

علاقائی تعاون

ایس ایس پی ویسٹ نے بتایا کہ علاقہ مکین ڈاکوؤں کے گینگ سے کئی روز سے پریشان تھے۔ علاقہ مکینوں کے ساتھ مل کر آپریشن کیا گیا، خیرآباد کے علاقے میں ڈاکو داخل ہوئے تو پولیس نے گھیر لیا۔