نیا ریکارڈ! اسٹاک مارکیٹ نے 86 ہزار پوائنٹس کی نفسیاتی حد عبور کر لی

پاکستان سٹاک مارکیٹ میں ترقی کی رفتار

کراچی(ڈیلی پاکستان آن لائن) پاکستان سٹاک مارکیٹ میں ریکارڈ پر ریکارڈ قائم ہونے کا سلسلہ برقرار ہے۔

یہ بھی پڑھیں: ڈی پی ورلڈ کے وفد کا ایس آئی ایف سی کا دورہ، مختلف شعبوں میں سرمایہ کاری کیلئے دلچسپی کا اظہار

کاروباری ہفتے کا تیسرا دن

نجی ٹی وی چینل دنیا نیوز کے مطابق کاروباری ہفتے کے تیسرے روز بھی سٹاک ایکسچینج میں تیزی کا رجحان دیکھنے میں آیا ہے۔ اس دوران، ہنڈرڈ انڈیکس نے پہلی بار 86 ہزار پوائنٹس کی نفسیاتی حد عبور کر لی ہے۔ ٹریڈنگ کے دوران 581 پوائنٹس کے اضافے کے ساتھ سٹاک ایکسچینج میں 100 انڈیکس 86 ہزار 245 پوائنٹس کی سطح پر ٹریڈ کر رہا ہے۔

پیشرفت کا تجزیہ

واضح رہے کہ گزشتہ روز کاروباری دن کے اختتام پر سٹاک ایکسچینج میں 753 سے زائد پوائنٹس کے اضافے کے ساتھ ہنڈرڈ انڈیکس 85 ہزار 663 پوائنٹس کی سطح پر بند ہوا تھا۔ یہ بات بھی قابل غور ہے کہ 100 انڈیکس اکتوبر کے 6 کاروباری دنوں میں 5000 پوائنٹس سے زائد بڑھ چکا ہے۔