فیض حمید کے بھائی نجف حمید کے خلاف جعلسازی کا مقدمہ درج

اسلام آباد میں جعلسازی کا انکشاف

اسلام آباد (ڈیلی پاکستان آن لائن) اسلام آباد پٹوار سرکل میں اراضی کے ریکارڈ میں جعلسازی کا انکشاف ہوا ہے۔ فیض حمید کے بھائی نجف حمید کے خلاف مقدمہ درج کر لیا گیا۔

یہ بھی پڑھیں: راستوں کی بندش؛ سیالکوٹ میں ٹماٹر 700روپے فی کلو ہو گئے

مقدمے کی تفصیلات

نجی ٹی وی سما نیوز کے مطابق اینٹی کرپشن سرکل ایف آئی اے اسلام آباد میں درج کیس میں سابق حلقہ پٹواری نجف حمید اور ریونیو افسر عبدالظہور کو ملزم نامزد کیا گیا۔ ملزمان پر ایک کنال قیمتی زمین بوگس انتقال کے ذریعے ہتھیانے کا الزام ہے۔

یہ بھی پڑھیں: ملکی زرمبادلہ کے ذخائر میں 2 کروڑ 20 لاکھ ڈالر کا اضافہ ریکارڈ

قانونی دفعات اور ملزمان کی کارروائیاں

مقدمے میں دھوکہ دہی، جعلسازی اور اختیارات کے ناجائز استعمال کی دفعات شامل ہیں۔ ایف آئی آر کے مطابق نجف حمید نے ایک اور پٹواری کے ساتھ مل کر ایک کنال پلاٹ کی ملکیت تبدیل کی۔ جعلی رجسٹری اور بوگس انتقالات کے ذریعے ملزمان نے ایک کنال کے بجائے صرف دس مرلے اراضی منتقل کی۔