ایف بی آر نے کراچی میں جعلی ٹریک اینڈ ٹریس اسٹیمپس والی چینی کی 1800 بوریاں ضبط کرلیں

کراچی میں کارروائی

کراچی (ڈیلی پاکستان آن لائن) ریجنل ٹیکس آفس نے جعلی ٹریک اینڈ ٹریس اسٹیمپس والی چینی کی 1,800 بوریوں سے لدے ہوئے 3 ٹرک ضبط کر لئے۔ یہ کارروائی ان لینڈ ریونیو انٹیلی جنس اینڈ انویسٹی گیشن کے اشتراک سے کی گئی۔

ٹیگ اور ٹریس نظام کی خلاف ورزی

ایکسپریس نیوز کے مطابق ایف بی آر حکام کا کہنا ہے کہ انفورسمنٹ کی یہ کارروائی ٹریک اینڈ ٹریس نظام پر عمل درآمد کو یقینی بنانے اور ٹیکس چوری کی روک تھام کی جاری کوششوں کا حصہ ہے۔ ٹرکوں کو فوری طور پر تحویل میں لے کر آر ٹی او ٹو کراچی کے نیپا احاطے میں منتقل کر دیا گیا ہے۔