سرگودھا میں نکاح کی مٹھائی کھاتے ہی دولہا اور باراتی بے ہوش ، دولہن والے فرار

سرگودھا میں دل دہلا دینے والا واقعہ

سرگودھا (ڈیلی پاکستان آن لائن) قصبہ مٹھہ لک میں شادی کی خوشیاں اس وقت غم میں بدل گئیں جب نکاح کی مٹھائی کھاتے ہی دولہا اور باراتی بے ہوش ہو گئے جبکہ دولہن والے موقع سے فرار ہو گئے۔

یہ بھی پڑھیں: کراچی؛ گڈاپ دنبہ گوٹھ میں گاڑی کی سکوٹی کو ٹکر، ایک خاتون جاں بحق، دوسری زخمی

نشہ آور مٹھائی کا واقعہ

پولیس کے مطابق مٹھائی میں نشہ آور مواد ملا کر دولہا غلام جیلانی اور باراتیوں کو بے ہوش کیا گیا۔ متاثرہ دولہا کا کہنا ہے کہ لڑکی کے بھائی نے شادی کے عوض ایک لاکھ 70 ہزار روپے وصول کیے تھے۔

یہ بھی پڑھیں: بجٹ میں پیٹرولیم مصنوعات پر ڈھائی روپے فی لیٹر کاربن لیوی عائد

واقعے کے بعد کی صورت حال

دولہا کے مطابق جب وہ ہوش میں آیا تو دولہن، اس کا بھائی اور رشتہ کروانے والی خاتون موقع سے غائب تھیں۔ واقعے کے بعد پولیس نے جعلی دولہن زبیدہ، اس کے بھائی عمر حیات اور شاہدہ پروین کے خلاف مقدمہ درج کر لیا ہے۔

پولیس کی تحقیقات

پولیس کا کہنا ہے کہ واقعے کی تحقیقات جاری ہیں اور اس فراڈی گروہ کو جلد گرفتار کر لیا جائے گا۔