مسلسل ایمانداری سے ہی ملک میں چیزوں کو درست سمت لے جایا جا سکتا ہے، اس کیلیے جبر مسلسل کی ضرورت، بہادر دل اور تازہ دماغ چاہیے

مصنف اور قسط کی معلومات

مصنف: شہزاد احمد حمید
قسط: 401

یہ بھی پڑھیں: اسلام آباد ہائیکورٹ کی ایڈمنسٹریشن میں تبدیلی، جسٹس خادم سومرو کو کمیٹی سے نکال دیا گیا

تربیتی پروگرام کا آغاز

اپنے منصوبے کو عملی جامہ پہناتے ہوئے، میں نے دو ماہرین، سیکرٹری یونین کونسل ملک مشتاق حسین اور چوہدری محمد فاروق کو سرائے عالم گیر بلا کر پوری ڈویثرن کی ہر تحصیل پر تربیتی پروگرام ترتیب دیا۔ اس کا افتتاح کمشنر بہاول پور محمد خان کھچی نے بہاول پور میں کیا۔ اس کے نتیجے میں دو اہم فوائد حاصل ہوئے: ایک تو تمام مقامات پر حاضری مکمل رہی اور دوسرا، تربیت میں شریک افراد کو یہ احساس ہوا کہ غیر حاضری کے سنگین نتائج ہو سکتے ہیں۔ یہ دونوں حضرات دو ہفتے ہمارے مہمان رہے اور میرے ڈویثرن کے سیکرٹری صاحبان نے اس تربیت کو سراہا۔

یہ بھی پڑھیں: نگہبان رمضان کارڈ پر کوئی فیس یا PIN کوڈ نہیں، مکمل شفافیت کے ساتھ امداد دی جا رہی ہے: عظمیٰ بخاری

تربیت کے فوائد

اس تربیت کا سب سے بڑا فائدہ یہ ہوا کہ مقامی سیکرٹری اپنے بنیادی فرائض، ذمہ داریوں، اور ریکارڈ کیپنگ سے آگاہ ہو گئے۔

یہ بھی پڑھیں: بھارت نے امریکہ سے ہتھیار اور طیارے خریدنے کے منصوبے پر عمل درآمد روک دیا

پیدائش اور اموات کا اندراج

بہاول پور میں پیدائش اور اموات کے اندراج کی شرح بہت کم تھی۔ اسے بہتر بنانے کے لیے میں نے ایک منصوبہ بنایا، جس کے تحت 5 سال کی عمر تک کے بچوں کے والدین ایک ماہ کی رعایتی مدت میں تحریری درخواست دے کر اپنے بچوں کا نام بلا معاوضہ درج کرا سکتے تھے۔ اس پروگرام کا مرکز لڑکیوں کے اندراج پر تھا اور الحمدللہ اس کا بڑا مثبت نتیجہ آیا۔

یہ بھی پڑھیں: قومی اسمبلی نے پاکستان آرمی ایکٹ، پاکستان ایئرفورس ایکٹ اور پاکستان نیوی ایکٹ میں ترامیم کی منظوری دے دی

افتتاح اور توسیع

اس پروگرام کا افتتاح بھی کمشنر بہاول پور محمد خان کھچی نے کیا۔ بعد میں ڈی جی لوکل گورنمنٹ ندیم اسلم نے اسی پروگرام کو بنیاد بنا کر پنجاب بھر میں ایک ایسا ہی پروگرام شروع کیا، جس کا افتتاح بھی بہاول پور ڈویثرن سے ہوا۔ ان تین پروگرامز کے ذریعے اللہ نے اعلیٰ حکام کی نظر میں میری عزت کو بڑھا دیا۔

یہ بھی پڑھیں: پنجاب حکومت کا وزراء اور بیوروکریٹس کے لیے 1 ارب 14 کروڑ کی 108 نئی گاڑیاں خریدنے کا فیصلہ

میری یقین دہانی

“بیشک اللہ جسے چاہتا ہے عزت دیتا ہے اور جسے چاہتا ہے ذلت۔”

یہ بھی پڑھیں: بھتہ خوری، سونے کی اسمگلنگ اور منی لانڈرنگ جیسے جرائم پر مزید سخت کارروائی کا فیصلہ کیا ہے، وزیراعلیٰ بلوچستان سرفراز بگٹی

بہتری کی شروعات

ایک دن میں اور نواز کہیں جا رہے تھے، تو نواز نے بتایا؛ “سر! میرا ایک عزیز یونین کونسل سے جنم پرچی لینے گیا۔ اس نے کہا کہ، ‘چاچا نواز! یونین کونسل والوں کا رویہ بہتر ہو گیا ہے۔ مجھے پرچی سرکاری فیس کے عوض ملی، جو پہلے کوئی 500 روپے میں دیتا تھا اور کوئی 200 میں۔” نواز نے کہا؛ “سر! سرپرائز دوروں کا بڑا اثر ہوا ہے۔” یہ اچھی شروعات تھی۔

یہ بھی پڑھیں: منور فاروقی کے بیٹے میں کاوا ساکی بیماری کا انکشاف، یہ بچوں کو کس طرح متاثر کرتی ہے؟ وہ باتیں جو تمام والدین کو ضرور معلوم ہونی چاہئیں

مستقبل کا لائحہ عمل

میں نے یہ مانا کہ مسلسل ایمانداری سے نظر رکھ کر ہی اس ملک میں چیزوں کو درست سمت میں لے جایا جا سکتا ہے۔ یہ مشکل ضرور ہے مگر ناممکن نہیں۔ میں اپنی ماہانہ میٹنگز کے منٹس اور دوروں کی رپورٹ باقاعدگی سے ڈائریکٹر جنرل دفتر بھیجتا ہوں۔

یہ بھی پڑھیں: شادی شدہ خاتون کے ساتھ زیادتی کی کوشش کرنے والا ملزم گرفتار

تعریف اور حوصلہ افزائی

ڈائریکٹر جنرل شہریار سلطان میٹنگز کے دوران میری کارکردگی کی تعریف کرتے ہیں۔ ان کے پی اے طارق اور سٹینو عبدالرحمان سے جب بھی ملاقات ہوتی ہے، وہ کہتے ہیں؛ “سر! آپ کی رپورٹیں پڑھ کر پرانا دور یاد آتا ہے۔” ایسی تعریفیں کسی بھی افسر کے لیے باعث مسرت ہوتی ہیں۔

نوٹ

یہ کتاب “بک ہوم” نے شائع کی ہے۔ (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔