ملک بھر میں سیمنٹ کی بوری سستی ہوگئی
سیمنٹ کی ریٹیل قیمتوں میں کمی
لاہور(ڈیلی پاکستان آن لائن) گذشتہ ہفتے کے دوران ملک میں سیمنٹ کی ریٹیل قیمتوں میں کمی ریکارڈ کی گئی ہے۔ پاکستان بیورو برائے شماریات کے اعدادوشمار کے مطابق یکم جنوری کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1387 روپے ریکارڈ کی گئی جو پیوستہ ہفتے کے مقابلے میں 0.27 فیصد کم ہے۔ پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹل قیمت 1391 روپے ریکارڈ کی گئی تھی۔
یہ بھی پڑھیں: کوہاٹ؛ دریائے سندھ میں کشتی ڈوب گئی
جنوبی شہروں کی قیمتیں
اسی طرح یکم جنوری کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1446 روپے ریکارڈ کی گئی جو پیوستہ ہفتے میں بھی 1446 روپے تھی۔ اعدادوشمار کے مطابق گزشتہ ہفتے کے دوران:
- اسلام آباد: 1367 روپے
- راولپنڈی: 1361 روپے
- گجرانوالہ: 1420 روپے
- سیالکوٹ: 1400 روپے
- لاہور: 1457 روپے
- فیصل آباد: 1380 روپے
- سرگودھا: 1400 روپے
- ملتان: 1411 روپے
- بہاولپور: 1413 روپے
- پشاور: 1353 روپے
- بنوں: 1300 روپے
کراچی اور دیگر شہروں میں قیمتیں
اسی طرح یکم جنوری کو ختم ہونے والے ہفتے میں کراچی میں سیمنٹ کی فی بوری کی اوسط ریٹیل قیمت 1379، حیدر آباد 1428، سکھر 1530، لاڑکانہ 1407، کوئٹہ 1490 اور خضدار میں سیمنٹ کی فی بوری کی اوسط ریٹیل قیمت 1443 روپے ریکارڈ کی گئی۔
