اسلام آباد میں بلدیاتی انتخابات کے لیے کاغذات نامزدگی کی جانچ کا مرحلہ مکمل

بلدیاتی انتخابات کی سکرونٹی مکمل

اسلام آباد (ڈیلی پاکستان آن لائن) اسلام آباد میں بلدیاتی انتخابات کے لیے کاغذات نامزدگی کی سکرونٹی کا مرحلہ مکمل ہوگیا۔ کاغذات منظور یا مسترد ہونے کے فیصلوں کے خلاف اپیلیں دائر کرنے کا سلسلہ آج سے شروع ہوگا۔ الیکشن کمیشن نے بلدیاتی انتخابات کے لیے مانیٹرنگ ٹیم کو ایک روزہ تربیت بھی دے دی۔

یہ بھی پڑھیں: شادی سے پہلے فونز پر باتیں ہوئیں اور 2 بار باہر ملے، ثمینہ احمد کامنظر صہبائی سے شادی کی پیشکش سے متعلق دلچسپ انکشاف

مانیٹرنگ ٹیم کی تربیت

نجی ٹی وی سما نیوز کے مطابق ذرائع کا کہنا ہے کہ وفاقی دارالحکومت میں بلدیاتی انتخابات کے لیے مانیٹرنگ ٹیم کے بائیس افسران کو انتخابی مہم کے لیے ضابطہ اخلاق سے متعلق آگاہ کیا گیا۔ مانیٹرنگ عملے کو الیکشن قانون، ممکنہ خلافیوں اور اختیارات سے متعلق آگاہ کیا گیا۔

یہ بھی پڑھیں: شہریوں سے بھتہ لینا پولیس افسران کو مہنگا پڑگیا

اپیلوں کا سلسلہ

شیڈول کے مطابق بلدیاتی کاغذات نامزدگی منظور یا مسترد ہونے سے متعلق اپیلیں دس جنوری تک دائر کی جا سکیں گی۔ اپیلٹ اتھارٹی اپیلوں پر فیصلے بارہ سے پندرہ جنوری تک کرے گی۔ بلدیاتی امیدواروں کی نظرثانی شدہ فہرست سولہ جنوری کو شائع ہوگی جبکہ کاغذات نامزدگی سترہ جنوری تک واپس لیے جا سکیں گے۔

انتخابی نشانات اور پولنگ کی تاریخ

انتخابی نشانات کی الاٹمنٹ اور حتمی امیدواروں کی فہرست انیس جنوری کو جاری ہوگی۔ اسلام آباد میں بلدیاتی انتخابات کے لیے پولنگ پندرہ فروری کو ہوگی جبکہ نتائج سولہ سے انیس فروری تک مکمل کیے جائیں گے۔