چین اور روس صرف امریکہ سے ڈرتے ہیں:ڈونلڈ ٹرمپ

ٹرمپ کا بیان

واشنگٹن(ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ امریکہ کے بغیر روس اور چین کو نیٹو کا کوئی خوف نہیں۔ چین اور روس صرف امریکہ سے ڈرتے ہیں۔

یہ بھی پڑھیں: تھرپارکر میں آر او پلانٹس کے فنڈز میں کروڑ وں کی خردبرد کا انکشاف، 2 ایگزیکٹو انجینئرز برطرف

نیٹو کے ساتھ تعلقات

اپنے سوشل میڈیا پلیٹ فارم سوشل ٹروتھ پر ڈونلڈ ٹرمپ کا کہنا تھا کہ اگر میں مداخلت نہ کرتا تو آج پورا یوکرین روس کے پاس ہوتا۔ ہمیشہ نیٹو کے ساتھ رہیں گے، چاہے وہ ہمارے ساتھ نہ بھی ہوں۔

یہ بھی پڑھیں: ایران میں پھنسے 216 طلبا سمیت 700 سے زائد پاکستانیوں کی وطن واپسی

دفاعی اخراجات میں اضافہ

امریکی صدر نے کہا کہ میری مداخلت کے باعث نیٹو ممالک نے دفاعی اخراجات بڑھائے اور امریکا نے عالمی سطح پر اہم کردار ادا کیا۔

امن کے لیے کوششیں

انہوں نے مزید کہا کہ دنیا میں اکیلے 8 جنگیں ختم کرائیں۔ ناروے نے مجھے نوبل امن انعام نہ دینے کا احمقانہ فیصلہ کیا لیکن کوئی بات نہیں، اصل بات تو یہ ہے کہ میں نے لاکھوں زندگیاں بچائیں۔