کسی کو پسند آئے نہ آئے، گرین لینڈ ہم لے کر رہیں گے: امریکی صدر ڈونلڈ ٹرمپ

ٹرمپ کا گرین لینڈ پر بیان

نیویارک (ڈیلی پاکستان آن لائن) امریکی صدر ڈونلڈ ٹرمپ نے اپنے بیان میں کہا کہ کسی کو پسند آئے نہ آئے، گرین لینڈ ہم لے کر رہیں گے۔

یہ بھی پڑھیں: پنجاب حکومت کی جانب سے 111 مستحق افراد میں الیکٹرک وہیل چیئرز سمیت دیگر معاون آلات کی تقسیم

چین اور روس کا خطرہ

تیل کمپنیوں کے سربراہاں سے ملاقات کے دوران گفتگو کرتے ہوئے انہوں نے کہا کہ اگر ہم نے گرین لینڈ پر قبضہ نہ کیا تو چین یا روس وہاں قابض ہوں گے۔ ہم دونوں کو اپنا ہمسایہ بنانا نہیں چاہتے، میں چاہتا ہوں کہ یہ کام آسانی سے ہو، ورنہ مشکل طریقہ اختیار کرنا پڑے گا۔

پاک بھارت جنگ کو روکنے کا دعویٰ

صدر ٹرمپ نے ایک بار پھر پاک بھارت جنگ روکنے کا کریڈٹ لیا اور کہا کہ آٹھ طیارے گر چکے تھے، میں نے جنگ پھیلنے سے پہلے ختم کروائی۔ وزیراعظم پاکستان نے اعتراف کیا کہ میں نے لاکھوں جانیں بچائیں، نوبیل انعام کا مجھ سے زیادہ کوئی حقدار نہیں ہو سکتا۔