پاکستان صومالیہ کے علاقائی استحکام کی غیر مشروط مکمل حمایت کرتا ہے: اسحاق ڈار

اسحاق ڈار کا بیان

جدہ (ڈیلی پاکستان آن لائن) نائَب وزیر اعظم اور وزیر خارجہ اسحاق ڈار نے کہا ہے کہ پاکستان صومالیہ کے علاقائی استحکام کی غیر مشروط مکمل حمایت کرتا ہے۔

یہ بھی پڑھیں: پی ٹی آئی مالی بحران کا شکار، اراکین اسمبلی کو تعاون کیلئے خط لکھ دیا گیا

او آئی سی کی وزرائے خارجہ کونسل کا اجلاس

روزنامہ جنگ کے مطابق اسرائیل کے صومالی لینڈ کو تسلیم کرنے پر او آئی سی کی وزرائے خارجہ کونسل کے 22ویں غیر معمولی اجلاس سے خطاب کرتے ہوئے اسحاق ڈار نے کہا کہ پاکستان اسرائیل کے صومالیہ پر اقدامات کی سخت مذمت کرتا ہے۔

یہ بھی پڑھیں: سرکاری سکولوں کا تعلیمی معیار بہتری کی طرف جا رہا ہے: وزیر تعلیم رانا سکندر حیات

بین الاقوامی قانون کی خلاف ورزی

انہوں نے کہا کہ اسرائیلی اقدامات بین الاقوامی قانون کی خلاف ورزی ہیں، صومالی لینڈ صومالیہ کا غیر متنازع اور اٹوٹ انگ ہے۔

یہ بھی پڑھیں: پاکستان کے وزیر داخلہ و انسداد منشیات محسن نقوی کی لیفٹیننٹ جنرل شیخ سیف بن زید النہیان، نائب وزیراعظم اور وزیر داخلہ سے ملاقات

اسرائیل کا صومالی لینڈ کو تسلیم کرنا

واضح رہے کہ گزشتہ سال دسمبر میں اسرائیل نے صومالی لینڈ کو سرکاری طور پر تسلیم کر لیا تھا، جس کے ساتھ ہی اسرائیل صومالی لینڈ کو تسلیم کرنے والا پہلا ملک بن گیا تھا۔

نیتن یاہو کا اعلان

اسرائیلی وزیرِ اعظم نیتن یاہو نے اعلان کیا تھا کہ اسرائیل نے صومالی لینڈ کو ایک آزاد اور خودمختار ریاست کے طور پر سرکاری طور پر تسلیم کر لیا ہے۔