اسحاق ڈار نے جدہ میں پاکستان کے قونصل خانہ کی نئی چانسلری عمارت کا افتتاح کردیا

افتتاحی تقریب کی تفصیلات

جدہ (محمد اکرم اسد) پاکستان کے نائب وزیراعظم و وزیر خارجہ سینیٹر محمد اسحاق ڈار نے ایک سادہ مگر خوبصورت تقریب میں یہاں پاکستان کے قونصل خانہ کی نئی چانسلری عمارت کا افتتاح ربن کاٹ کر کیا اور تختی کی نقاب کشائی کی۔ اس موقع پر سعودی عرب میں پاکستان کے سفیر احمد فاروق، سعودی مہمانانِ گرامی، قونصل جنرل سید مصطفیٰ ربانی، پاکستانی کمیونٹی اور قونصل خانہ کے افسران بھی موجود تھے۔

یہ بھی پڑھیں: ماڈل ٹاؤن لاہور میں روزانہ ”فین فٹ بال کلب“ کھیلنے جاتے میرا مقصد کھیلنا کم بچوں کی کمپنی زیادہ تھی، ایک دن سست کھیلاتو عمر بولا”یار ابو! دھیان کریں“

تقریب کے خاص لمحات

افتتاحی تقریب میں پاکستانی پرچم بلند کیا گیا، جبکہ عمارت کے لان میں درخت لگائے گئے اور دونوں ممالک کے لیے دعائیں مانگی گئیں۔ اس موقع پر منصوبے کی خصوصیات کو اجاگر کرنے والی مختصر ویڈیو بھی دکھائی گئی۔

یہ بھی پڑھیں: بانی پی ٹی آئی نے تیسری مرتبہ پولی گراف ٹیسٹ کرانے سے انکار کردیا

نائب وزیراعظم کا خطاب

اپنے خطاب میں نائب وزیراعظم نے جدہ کے قونصلی کوششوں اور سعودی حکام کی حمایت کی تعریف کی۔ انہوں نے زور دیا کہ حکومت بیرون ملک پاکستانیوں کو بہتر قونصل سہولیات فراہم کر رہی ہے اور یہ اسی سلسلہ کی کڑی ہے۔ عمارت دیکھنے کے بعد انہوں نے منصوبے کی تکمیل پر اطمینان کا اظہار کیا اور نئی جگہ پر جلد از جلد خدمات منتقل کرنے کا حکم دیا۔

وزیر خارجہ کے تاثرات

وزیر خارجہ نے کتاب میں اپنے تاثرات بھی درج کئے۔ سعودی عرب کے مغربی علاقے میں تقریباً اٹھارہ لاکھ پاکستانی رہتے ہیں اور یہ نئی عمارت ان کو بہتر سہولتیں فراہم کریگی۔