پنجاب میں 16 جنوری تک شدید سردی کی پیشگوئی، لاہور میں درجہ حرارت 3ریکارڈ

شديد سردی کی پیش گوئی

لاہور (ڈیلی پاکستان آن لائن) پنجاب میں 16 جنوری تک شدید سردی کی پیش گوئی کی گئی ہے۔ آج صبح لاہور میں کم سے کم درجہ حرارت 3 ڈگری سینٹی گریڈ ریکارڈ کیا گیا۔

یہ بھی پڑھیں: وفاقی وزیر عطا تارڑ نے آپریشن غضب للحق کے تازہ اعداد و شمار جاری کر دیئے

برفباری کی توقعات

ایکسپریس نیوز کے مطابق پی ڈی ایم اے پنجاب کا کہنا ہے کہ راولپنڈی، مری، گلیات، اور پوٹھوہار ریجن میں شدید سردی کے ساتھ برفباری کے امکانات ہیں۔

یہ بھی پڑھیں: پورے ہفتے میں صرف 16 گھنٹے کام کر کے بچوں کے ساتھ سال میں کئی چھٹیاں گزارنے والی خاتون، یہ سب کیسے کرتی ہے؟

حکم نامہ اور ہدایات

ٹورازم ڈپارٹمنٹ، ایجوکیشن، ہیلتھ، زراعت، لوکل گورنمنٹ، فاریسٹ، سی اینڈ ڈبلیو، ٹرانسپورٹ، ریسکیو 1122، نیشنل ہائی وے اور پولیس ڈیپارٹمنٹ کو مراسلہ جاری کر دیا گیا ہے۔

یہ بھی پڑھیں: ڈی جی ایل ڈی اے کی نااہلی یا عدم دلچسپی؟ زرعی اراضی پر قائم غیر قانونی ہاؤسنگ سوسائٹیز کیخلاف آپریشن غیراعلانیہ بند، شہریوں کے اربوں روپے ڈوب گئے۔

تعلیمی ادارے اور احتیاطی تدابیر

ڈی جی عرفان علی کاٹھیا کے مطابق دھند و اسموگ کی صورتحال میں بھی اضافہ متوقع ہے۔ یونیورسٹیز، کالجز اور دیگر تعلیمی ادارے طلباء و طالبات کو سردی کے حوالے سے مناسب لباس کی ہدایات جاری کریں، اور کلاس رومز میں سردی سے بچاؤ کے لیے مناسب اقدامات کریں۔

یہ بھی پڑھیں: حکومت اور پی ٹی آئی کے مذاکرات سے کچھ نہیں نکلنا، شیخ رشید

صحت کی سہولیات

ڈی جی پی ڈی ایم اے پنجاب کے مطابق تمام اسپتال بالخصوص بنیادی ہیلتھ یونٹس، ادویات اور عملے کی دستیابی کو یقینی بنائیں۔ عوام الناس سے درخواست ہے کہ سردی کی شدت سے خود کو محفوظ رکھیں، ماسک کا استعمال کریں اور غیر ضروری باہر نہ نکلیں۔

یہ بھی پڑھیں: میلاد مصطفی ﷺ: ایمان، تاریخ اور ہماری ذمہ داری

سفر کے حوالے سے ہدایت

عرفان علی کاٹھیا کے مطابق پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔ شہری خراب موسم کی صورتحال میں غیر ضروری سفر سے گریز کریں۔ سیاح احتیاطی تدابیر اختیار کریں اور ہدایات پر عمل کریں۔

یہ بھی پڑھیں: پاکستان اور بنگلہ دیش کے بہتر ہوتے تعلقات سے دونوں ممالک کے طلبہ کو کیا فوائد ملے؟

فسیلیٹیشن سنٹرز کا قیام

ڈی جی پی ڈی ایم اے کے مطابق سیاحوں کی سہولیات کے لیے مری میں مختلف مقامات پر فسیلیٹیشن سنٹرز قائم ہیں۔ سفر کے دوران تیز رفتاری اور اچانک بریک لگانے سے اجتناب کریں، جبکہ فوگ لائٹس کا استعمال کریں۔ ہنگامی صورتحال میں پی ڈی ایم اے کی ہیلپ لائن 1129 پر کال کر سکتے ہیں۔

یہ بھی پڑھیں: پاک بھارت جنگ کے دوران پاکستان ہائی کمیشن لندن پر حملہ کرنے والے بھارتی شہری کے گھر دھماکہ خیز مواد سے حملہ، دوست مردہ پائی گئی

موسمی حالات

محکمہ موسمیات کے مطابق لاہور سمیت پنجاب بھر میں بدستور دھند اور بادلوں کا راج ہے۔ بادلوں کے باعث سورج کی کرنیں زمین پر پہنچنے سے قاصر ہیں، اور سردی کی شدت میں اضافہ ہوگیا ہے۔

متوقع درجہ حرارت

لاہور میں کم سے کم درجہ حرارت 3 ڈگری جبکہ زیادہ سے زیادہ 13 ڈگری سینٹی گریڈ تک جانے کا امکان ہے۔ آئندہ دو سے تین دن تک بارش کا کوئی امکان نہیں، موسم خشک اور سرد رہے گا۔