سہیل آفریدی کئی گھنٹے کے دورے کے بعد نمائش چورنگی پہنچے اور مختصر خطاب کرکے روانہ ہوگئے

وزیراعلیٰ خیبرپختونخوا کا دورہ

لاہور(ڈیلی پاکستان آن لائن) وزیراعلیٰ خیبرپختونخوا سہیل آفریدی کئی گھنٹے کے دورے کے بعد نمائش چورنگی پہنچے اور مختصر خطاب کرکے روانہ ہوگئے۔ ان کے خطاب کے بعد نمائش چورنگی سے پی ٹی آئی کارکن بھی منتشر ہوگئے۔ جلسے سے پہلے انہوں نے کیماڑی اور بلدیہ سمیت شہر کے مختلف علاقوں کا دورہ کیا۔

یہ بھی پڑھیں: نواز، زرداری کیخلاف توشہ خانہ ریفرنس دوسری عدالت منتقل کرنیکی درخواست پر فیصلہ محفوظ

مزار قائد کا دورہ

وزیر اعلیٰ خیبر پختونخوا سہیل آفریدی کیماڑی اور بلدیہ سمیت کراچی کے مختلف علاقوں کا دورہ کرتے ہوئے اپنے قافلے کے ہمراہ مزار قائد پہنچے تھے۔ اس سے قبل آج باغ جناح کے قریب پی ٹی آئی کے کارکنوں اور پولیس کے درمیان آنکھ مچولی چلتی رہی، گرومندر سمیت جلسہ گاہ کے اطراف مختلف علاقوں میں پی ٹی آئی کارکنوں کے پتھراؤ سے ایک پولیس اہلکار زخمی ہوگیا۔

یہ بھی پڑھیں: ملک کے بعض علاقوں میں موبائل فون سروس معطل

پولیس کی کارروائی

نمائش چورنگی کے قریب پولیس نے کارکنوں پر لاٹھی چارج کیا، 30 سے زائد پی ٹی آئی کارکنوں کو حراست میں لے لیا گیا۔ پیپلز چورنگی، مزارِ قائد، خداداد کالونی، گرو مندر اور نمائش سمیت مختلف سڑکوں کی بندش سے شہر میں ٹریفک کا نظام متاثر ہوگیا۔ مختلف سڑکوں پر ٹریفک کی روانی شدید متاثر رہی جبکہ ٹریفک پولیس حکام کا دعویٰ ہے کہ شہر میں کہیں بھی ٹریفک جام نہیں ہے۔

پی ٹی آئی کے رہنماؤں کے بیانات

اس سے قبل چئیرمین پی ٹی آئی بیرسٹر گوہر کا کہنا تھا کہ سندھ حکومت بدمزگی پیدا نہ کرے، اچھے ماحول کو چلنے دیں، جلسہ کسی کے خلاف نہیں بلکہ اپنے حقوق کیلئے ہوگا۔ سلمان اکرم راجا کا کہنا تھا کہ این او سی موجود ہے، جلسہ ہر صورت ہوگا۔