سندھ حکومت نے سندھی ٹوپی، اجرک کی بےحرمتی کی، وزیر اعلیٰ خیبر پختونخوا سہیل آفریدی

سہیل آفریدی کا سندھ حکومت پر تنقید

کراچی (ڈیلی پاکستان آن لائن) صوبہ خیبرپختونخوا کے وزیر اعلیٰ سہیل آفریدی نے سندھ حکومت کو تنقید کا نشانہ بناتے ہوئے کہا ہے کہ سندھ حکومت نے رکاوٹیں ڈالیں، عوام نے سب رکاوٹیں ہٹا کر جلسہ کامیاب بنایا۔ سندھ حکومت نے سندھی ٹوپی، اجرک کی بےحرمتی کی۔

یہ بھی پڑھیں: صاحب کے ساتھ ڈیوٹی کرتے دو تین ماہ ہو ئے، سوچا ڈیرے پر رہنا مشکل ہو گا، خدشہ دل میں لئے پنڈی روانہ ہوئے، اگلے پانچ سال کمرہ میرا ٹھکانہ ٹھہرا۔

پولیس گردی اور عوام کی حمایت

کراچی میں نمائش چورنگی پر خطاب سے سہیل آفریدی کا کہنا تھاکہ آج ہمارے ساتھ مختلف مقامات پر پولیس گردی کی گئی، پولیس گردی کے بعد بھی ہم یہاں اتنی بڑی تعداد میں جمع ہوئے۔

یہ بھی پڑھیں: گرفتار ٹک ٹاکر کاشف ضمیر کا سابقہ کرائم ریکارڈ بھی سامنے آگیا

ملکی سیاست میں آگے بڑھنے کا عزم

انہوں نے کہا کہ پنجاب میں حکومت نے ہمارے ساتھ اچھا سلوک نہیں کیا، سندھ میں بھی سندھ حکومت نے اچھا سلوک نہیں کیا۔ اس کے بعد خیبرپختونخوا میں اگلا پڑاؤ ڈالیں گے اور اسٹریٹ موومنٹ کے ذریعے بانی پی ٹی آئی کا پیغام ملک بھر میں پہنچائیں گے۔

یہ بھی پڑھیں: امریکی سفارت خانے کے وفد کی اڈیالہ جیل میں امریکی قیدی سے ملاقات

کراچی کی عوام کا شکریہ

سہیل آفریدی کا کہنا تھاکہ کراچی کے عوام کا دل سے شکریہ ادا کرتا ہوں، عوام نے نکل کر ثابت کیا کہ قوم بانی پی ٹی آئی کے ساتھ کھڑی ہے۔ جو سوچ رہے تھے کہ بانی پی ٹی آئی کی سیاست ختم ہوجائے گی وہ آج آکر دیکھ لیں۔

یہ بھی پڑھیں: ایمیزون کی غیر قانونی کانیں جہاں سیکس کے عوض سونا حاصل ہوتا ہے

جمہوریت اور عوام کے حقوق

وزیراعلیٰ کا کہنا تھاکہ سندھ حکومت نے رکاوٹیں ڈالیں، عوام نے سب رکاوٹیں ہٹا کر جلسہ کامیاب بنایا۔ جو لوگ جمہوریت کے دعویدار تھے وہ جمہوریت پسند نہیں نکلے۔ سندھ حکومت نے سندھی ٹوپی، اجرک کی بےحرمتی کی، پیپلز پارٹی نے مل کر آئین کا ڈھانچہ تبدیل کردیا اور سندھ میں پیپلز پارٹی کی ڈکٹیٹرشپ قائم ہے۔

عوام کی طاقت اور مستقبل کی کال

سہیل آفریدی کا کہنا تھاکہ عوام ڈی چوک جانے کو تیار ہیں، بانی پی ٹی آئی کی کال کا انتظار ہے۔ ہم کسی کو اجازت نہیں دیں گے کہ وہ ہمارے حقوق ختم کرے اور نہ ہی کسی کو اجازت دیں گے کہ قوم کے لیڈر کو بلاجواز جیل میں رکھیں۔