پنجاب سیف سٹیز اتھارٹی کی جعلی ای چالان ویب سائٹس اور فیک ایس ایم ایس سے ہوشیار رہنے کی ہدایت
آگاہی مہم
لاہور(ڈیلی پاکستان آن لائن) پنجاب سیف سٹیز اتھارٹی کے نام سے جعلی ای چالان ویب سائٹس اور فیک ایس ایم ایس کے بارے میں آگاہی مہم جاری ہے۔
یہ بھی پڑھیں: لاہور میں 6 سالہ بچے کو ورغلا کر بدفعلی کرنے والا اوباش گرفتار
ای چالان کی تصدیق
ترجمان سیف سٹیز اتھارٹی کے مطابق ای چالان سے متعلق ایس ایم ایس صرف مستند نمبر 8070 سے موصول ہوتا ہے۔ شہری ای چالان کی تصدیق کے لیے سیف سٹی کی ویب سائٹ echallan.psca.gop.pk یا پبلک سیفٹی ایپ کا استعمال کریں۔ سیف سٹی کبھی ایس ایم ایس کے ذریعہ کیش، اکاؤنٹ یا بینک تفصیلات طلب نہیں کرتا، سیف سٹی شہریوں سے کسی بھی قسم کا کارڈ نمبر، پن کوڈ یا سکیورٹی کوڈ طلب نہیں کرتا۔
یہ بھی پڑھیں: اسٹیبلشمنٹ اور ٹاؤٹ کی “لوّ سٹوری” میں اتار چڑھاؤ ضرور آتے ہیں جس سے ۔ ۔ ۔” اقرارالحسن بھی میدان میں آگئیں
مشکوک میسجز کی اطلاع
ترجمان سیف سٹی نے کہا کہ شہری مشکوک یا جعلی میسجز ملنے پر فوری طور پر ایمرجنسی ہیلپ لائن 15 یا FIA سائبر ونگ سے رجوع کریں۔ شہری کسی بھی مشکوک پیغام یا ویب سائٹ پر ادائیگی ہرگز نہ کریں، سیف سٹی کی تمام سروسز شہریوں کے لیے بالکل مفت ہیں۔
قانونی کارروائی
ترجمان سیف سٹی نے کہا کہ سیف سٹی ایسی تمام جعلی ویب سائٹس اور فیک نمبرز کے خلاف قانونی کارروائی میں مصروف عمل ہے۔
