یہ بہتر ہے کہ سہیل آفریدی استعفیٰ دیں، ورنہ قانون اپنا راستہ لے گا: اختیار ولی
وزیراعظم کے کوآرڈینیٹر کا بیان
اسلام آباد (ڈیلی پاکستان آن لائن) وزیراعظم کے کوآرڈینیٹر اختیار ولی نے کہا ہے کہ ایک مجرم جو حساس اداروں پر حملے میں ملوث ہو، اس کے وزیراعلیٰ رہنے کا جواز نہیں۔ بہتر ہے کہ سہیل آفریدی استعفیٰ دے دیں، ورنہ قانون اپنا راستہ لے گا۔
یہ بھی پڑھیں: معروف اطالوی اداکارہ کلاڈیا کارڈینیل 87 برس کی عمر میں چل بسیں
تحریک انصاف پر تنقید
نجی ٹی وی چینل جیو نیوز کے پروگرام میں گفتگو کرتے ہوئے انہوں نے کہا کہ تحریک انصاف کا ملک کے مسائل سے کچھ لینا دینا نہیں۔
اختیار ولی کا کہنا تھا کہ وزیراعظم شہباز شریف نے امن و امان اور سیلاب پر سہیل آفریدی کو میٹنگ میں بلایا لیکن وہ نہیں آئے۔
دہشت گردی کے ثبوت
وزیراعظم کے کوآرڈینیٹر نے مزید کہا کہ وزیراعلیٰ سہیل آفریدی آئیں، ہم انہیں افغان طالبان کے دہشت گردی میں ملوث ہونے کے ثبوت دیں گے۔
