قلات میں سیکیورٹی فورسز کا آپریشن، فتنہ الہندوستان کے 4 دہشتگرد ہلاک

آپریشن کی تفصیلات

راولپنڈی (ڈیلی پاکستان آن لائن) قلات میں سیکیورٹی فورسز نے خفیہ اطلاع پر آپریشن کے دوران بھارتی پراکسی فتنہ الہندوستان کے 4 دہشت گردوں کو ہلاک کردیا۔

یہ بھی پڑھیں: سرور شاہدہ ریسرچ انسٹی ٹیوٹ آف کارڈیو ویسکولر سائنس ٹرسٹ کی لینڈ سائٹ پر تقریب کا انعقاد

دہشت گردوں کی کاروائیاں

پاک فوج کے شعبہ تعلقات عامہ، آئی ایس پی آر کے مطابق قلات میں دہشت گردوں کی موجودگی کی اطلاع پر کامیاب آپریشن کیا گیا، دہشت گردوں کے قبضے سے اسلحہ اور گولہ بارود برآمد ہوا۔ ہلاک دہشت گرد متعدد دہشت گردانہ سرگرمیوں میں ملوث تھے، علاقے میں کلیئرنس اور سینیٹائزیشن آپریشن جاری ہے۔

عزمِ استحکام کی مہم

آئی ایس پی آر کا کہنا ہے کہ "عزمِ استحکام" کے تحت انسدادِ دہشت گردی مہم پوری قوت سے جاری ہے۔