ایران کی ایلون مسک کی کمپنی سٹار لنک کے خلاف بڑی کارروائی، بڑی تعداد میں ڈیوائسز قبضے میں لے لیں

ایران میں سٹار لنک کی ڈیوائسز پر قبضہ

تہران(ڈیلی پاکستان آن لائن)ایران نے انٹرنیٹ فراہم کرنے والی امریکی کمپنی سٹار لنک کی ڈیوائسز بڑی تعداد میں قبضے میں لے لیں۔گذشتہ ہفتے ایرانی حکومت نے ملک میں زیادہ تر انٹرنیٹ کنکشن بند کر دیے تھے جبکہ فون کالز اور ٹیکسٹ پیغامات بھیجنے کی سہولت بھی محدود کردی گئی تھی۔

یہ بھی پڑھیں: سڈنی میں دہشتگردی، پاکستان کے خلاف گمراہ کن پروپیگنڈا بے نقاب، مزید اہم حقائق سامنے آ گئے

حکومتی کنٹرول اور انٹرنیٹ رسائی

امریکی اخبار کے مطابق انٹرنیٹ تک بلا تعطل رسائی صرف حکومت، اس کے میڈیا اداروں اور حکومت کے حامیوں کو حاصل ہے۔جس کے بعد سٹار لنک کے مالک ایلون مسک نے ایران میں مفت انٹرنیٹ فراہم کرنے کا اعلان کیا تھا۔ایران میں جاری احتجاجی مظاہروں کے دوران حکومت کی جانب سے انٹرنیٹ بند کیے جانے کے بعد سیٹلائیٹ انٹرنیٹ سروس سٹار لنک کے خلاف کریک ڈاؤن شروع کیا گیا۔

سٹار لنک ٹرمینلز کی قانونی حیثیت

رپورٹس کے مطابق ایران نے انٹرنیٹ فراہم کرنے والی امریکی کمپنی سٹار لنک کی ڈیوائسز بڑی تعداد میں قبضے میں لے لی ہیں۔یاد رہے کہ ایران میں سٹارلنک ٹرمینلز غیر قانونی ہیں اور انہیں خفیہ طور پر ملک میں لایا جاتا ہے۔ یہ ٹرمینلز 2022 کے احتجاجی مظاہروں کے بعد بڑی تعداد میں سامنے آئے تھے۔