فیصل آباد میں پاسکو کے گودام سے 2 ہزار بوری گندم غائب ہوگئی
فیصل آباد میں گندم کی بڑی چوری
لاہور (ڈیلی پاکستان آن لائن) فیصل آباد میں پاکستان ایگریکلچرل اسٹوریج اینڈ سروسز کارپوریشن (پاسکو) کے گودام سے 2 لاکھ کلو گندم غائب ہوگئی۔
یہ بھی پڑھیں: وزیراعظم کا استثنیٰ کی شق نکالنے کا اقدام مستحسن ہے، وزیر قانون
ایف آئی اے کی کارروائی
روزنامہ جنگ کے مطابق وفاقی تحقیقاتی ادارے (ایف آئی اے) نے 2 ہزار بوری گندم مٹی میں تبدیل ہونے کے معاملے میں چھاپہ مار کر عملے کے 4 افراد کو حراست میں لے لیا ہے۔ 7 کروڑ روپے مالیت کی گندم خرد برد کی گئی ہے، گودام انچارج سمیت 7 افراد کے خلاف مقدمہ درج کر لیا گیا ہے۔
یہ بھی پڑھیں: ہندوستانی سرحد کافی فاصلے پر تھی، شمالاً جنوباً یہ دوسری ریلوے لائن تھی جس نے پاکستان کے ایک سرے سے دوسرے سرے تک نئے راستے سے سفرکرناتھا
چھاپے کی تفصیلات
حکام کے مطابق تاندلیانوالہ میں واقع پاسکو کے گودام میں ذخیرہ گندم میں خرد برد کی اطلاع ملی، جس پر سب انسپکٹر اجمل حسین کی سربراہی میں چھاپہ مارا گیا۔
یہ بھی پڑھیں: ایشیائی ترقیاتی بینک کی کنٹری ڈائریکٹر کا ڈاکٹر شمشاد اختر کے انتقال پر اظہار افسوس
غائب گندم کی مقدار
ایف آئی اے ٹیم نے 'پاسکو' کے افسران کے ہمراہ گودام میں انسپکشن کی تو گندم کی 100 کلو گرام کی 2 ہزار بوریوں کی جگہ مٹی ڈال کر بوریاں گودام میں رکھی گئی تھیں۔
یہ بھی پڑھیں: کراچی کے علاقے بہادرآباد میں کریڈٹ کارڈ بنوانے کے بہانے بلا کر 26 سالہ لڑکی سے زیادتی کا انکشاف
مزید تحقیقات
حکام کے مطابق چھاپے کے دوران 50 کلو گرام گندم کے 4 ہزار بیگ اور 8 ہزار باردانہ غائب پایا گیا۔ ابتدائی انکوائری کے مطابق 7 کروڑ روپے مالیت کی گندم خرد برد کر کے پرائیویٹ افراد کو فروخت کی گئی۔
یہ بھی پڑھیں: لودھراں میں طالبہ کی مبینہ خودکشی کے کیس میں اہم پیشرفت، استاد گرفتار، الزام کیا ہے؟ پریشان کن انکشاف
حراست میں لیے گئے افراد
موقع سے ایک اسسٹنٹ پرچیز آفیسر اور 3 چوکیداروں کو حراست میں لے لیا گیا جبکہ گودام کے انچارج اور عملے کے 7 افراد اور پرائیویٹ بروکر کے خلاف مقدمہ درج کر کے مزید تحقیقات شروع کر دی گئی ہیں۔
تحقیقات کا دائرہ
ایف آئی اے کے مطابق زونل ہیڈ پاسکو کے کردار کا تعین تحقیقات کے بعد ہوگا۔
